ദുബായിലെത്തുന്നവര്‍ക്ക്‌ ആരോഗ്യ ഇന്ഷുറന്സ് നിര്‍ബന്ധം
ദുബായില്‍ എത്തുന്നവര്‍ക്ക്‌ അടുത്ത വര്‍ഷം മുതല്‍ ആരോഗ്യ ഇന്ഷുറന്സ് നിര്‍ബന്ധമാക്കി.
ദുബൈയിലെ സ്വദേശികള്‍ക്കും താമസക്കാര്‍ക്കും സന്ദര്‍ശകര്‍ക്കും ഇത് ബാധകമാണ്‌. എമിറേറ്റില്‍ എത്തുന്നവര്‍ക്ക്‌ മതിയായ ചികിത്സ ഉറപ്പാക്കുകയാണ് പദ്ധതിയുടെ ലക്ഷ്യം. മൂന്ന് വര്‍ഷം കൊണ്ട് നിരവധി ഘട്ടങ്ങളായാണ് പദ്ധതി നടപ്പാക്കുക. പദ്ധതി പൂര്‍ണമായി നടപ്പായാല്‍ ദുബൈയിലെ 30 ലക്ഷം പേര്‍ക്ക് ആരോഗ്യ ഇന്ഷുറന്സ് പരിരക്ഷ ലഭ്യമാകും.
ഇതുസംബന്ധിച്ച നിയമത്തിന് യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം കഴിഞ്ഞദിവസം അംഗീകാരം നല്‍കി.
പുതിയ നിയമമനുസരിച്ച് ദുബൈയിലെ എല്ലാ കമ്പനികളും തൊഴിലാളികള്‍ക്ക് ആരോഗ്യ ഇന്ഷുറന്സ് പരിരക്ഷ ഒരുക്കണം. വിസ പുതുക്കുമ്പോള്‍ ഇതിന് തെളിവ് ഹാജരാക്കേണ്ടിവരും. ഇന്ഷുറന്സ് ഇല്ളെങ്കില്‍ വിസ പുതുക്കി നല്‍കില്ല. വീട്ടുജോലിക്കാര്‍ക്കും ഡ്രൈവര്‍മാര്‍ക്കും തൊഴിലുടമ ഇന്ഷുറന്സ് ഒരുക്കണം. എന്നാല്‍ ഭാര്യയെയും മക്കളെയും സ്പോണ്‍സര്‍ ചെയ്യുന്നവര്‍ അവരുടെ ഇന്ഷുറന്സ് തുക സ്വയം വഹിക്കണം.
ഗുണമേന്മയേറിയതും അന്താരാഷ്ട്ര നിലവാരത്തിലുള്ളതുമായ ചികിത്സാ സൗകര്യം എമിറേറ്റിലെ താമസക്കാര്‍ക്ക് ലഭിക്കുന്നുവെന്ന് ഉറപ്പുവരുത്താനാണ് ഇത്തരമൊരു നിയമത്തിന് രൂപം നല്‍കിയത്‌. ഇന്ഷുറന്സ് സൗകര്യം വരുന്നതോടെ ഇന്ത്യക്കാരടക്കമുള്ള വിദേശികള്‍ ചികിത്സക്കായി സ്വന്തം രാജ്യത്തേക്ക് പോകുന്നത് കുറയും. ഇത് ആരോഗ്യ മേഖലയുടെ വികസനത്തിന് വഴിവെക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
