ട്രെയിനിലെ സീറ്റിനായി യുവതികള് തമ്മിലുണ്ടായ രൂക്ഷമായ തര്ക്കത്തിനൊടുവില് ഗര്ഭിണിയായ യുവതിയെ മര്ദ്ദിക്കുകയും ചീത്തവിളിക്കുകയും ചെയ്തു മറ്റേയാള്!
തെക്കന് ലണ്ടനിലെ ഒരു ട്രെയിനില് ഇക്കഴിഞ്ഞ വ്യാഴാഴ്ച സീറ്റുകള് പങ്കിടുന്നതിനെച്ചൊല്ലിയുണ്ടായ തര്ക്കത്തെത്തുടര്ന്ന് ഗര്ഭിണിയെ മര്ദ്ദിച്ച് യുവതി. സീറ്റില് ഇരിക്കുമ്പോള് തിങ്ങി ഞെരുങ്ങി ഇരിക്കേണ്ടി വന്നതോടെ ഗര്ഭിണിയോട് അല്പ്പം ഒതുങ്ങിയിരിക്കാന് യുവതി ആവശ്യപ്പെടുകയായിരുന്നു.
ഗര്ഭിണിയായ യുവതിയോട് നീങ്ങിയിരിക്കാന് ആവശ്യപ്പെട്ടതോടെയാണ് തര്ക്കം തുടങ്ങിയത്. തൊട്ടടുത്തിരിക്കുന്ന തനിക്ക്ക്ക് ആ യുവതിയുടെ അമിത തടി ബുദ്ധിമുട്ടുണ്ടാക്കുന്നുവെന്നായിരുന്നു ഗര്ഭിണിയുടെ മറുപടി. അതോടെ യുവതി പൊട്ടിത്തെറിക്കുകയായിരുന്നു. തടി കുറയ്ക്ക് അപ്പോള് സീറ്റില് ഇരിക്കാനാവുമെന്ന് ഗര്ഭിണി പരോക്ഷമായി പറയുകയും ചെയ്തതോടെ യുവതിയുടെ നിലതെറ്റി.
പിന്നീട് ഇവര് ചീത്തവിളിക്കാന് ആരംഭിക്കുകയായിരുന്നു. ഗര്ഭിണിയായ യുവതിയുടെ മുന്നില് നിന്ന് ചീത്ത പറഞ്ഞ യുവതി ഗര്ഭിണിയുടെ മാലയും വലിച്ച് പൊട്ടിച്ചു. പൊലീസിനെ വിളിക്കുമെന്ന് പറഞ്ഞ് ഗര്ഭിണി ഫോണെടുത്തതോടെ ഫോണ് തട്ടിത്തെറിപ്പിക്കാനാനും യുവതി ശ്രമിച്ചു.
ദൃശ്യങ്ങള് പകര്ത്തിയത് ഇവരുടെ സീറ്റിന് എതിര്ഭാഗത്ത് ഇരുന്ന യുവാവാണ്. ഇരുവരില് ആര്ക്കാണ് തടി കൂടുതല് എന്ന യുവതിയുടെ ചോദ്യത്തിന് അടുത്തിരുന്നയാള്, പരാതിപ്പെട്ട യുവതിയ്ക്കാണെന്ന് ഇടയ്ക്ക് പറയുക കൂടി ചെയ്തതോടെ യുവതിയുടെ കണ്ട്രോള് പോയി.
നിങ്ങളോട് മര്യാദയ്ക്ക് പെരുമാറാനാണ് ശ്രമിച്ചത്. സമയം ഇതായിപ്പോയി അല്ലാത്ത പക്ഷം നിങ്ങളുടെ മുഖം അടിച്ച് തകര്ക്കുമായിരുന്നുവെന്നും യുവതി ഭീഷണിപ്പെടുത്തി. സംഭവത്തിന്റെ വീഡിയോ ഇതിനോടകം സോഷ്യല് മീഡിയയില് വൈറലാകുകയും ചെയ്തു.
https://www.facebook.com/Malayalivartha