സിം തന്റെ പേഴ്സണല് നമ്പര്, അതിന് എന്താ? വിവാദ സിമ്മിനെ കുറിച്ച് സ്പീക്കര്; ഇതിന് കസ്റ്റംസ് തന്നെ ചോദ്യം ചെയേണ്ടതില്ലെന്ന് സ്പീക്കര്; സ്പീക്കറുടെ പ്രതികരണം കസ്റ്റംസ് ചോദ്യം ചെയ്യാന് നോട്ടീസ് നല്കാന് ഇരിക്കെ; നോട്ടീസ് നല്കിയാലും ചോദ്യം ചെയ്യലിന് സ്പീക്കര് എത്തില്ല?
വിവാദ സിം കാര്ഡ് വിഷയത്തില് മറുപടിയുമായി സ്പീക്കര് പി ശ്രീരാമകൃഷ്ണന്. ഒരു മാധ്യമത്തിന് അനുവദിച്ച പ്രത്യേക അഭിമുഖത്തിലാണ് സ്പീക്കര് തന്റെ നിലപാട് വ്യക്തമാക്കിയത്. വിവാദ സിം നമ്പര് തന്റെ പഴ്സണല് ഫോണ് നമ്പറാണെന്ന് സ്പീക്കര് പറഞ്ഞു. സിം എടുത്ത് നല്കിയത് പാര്ട്ടി പ്രവര്ത്തകരാണ്. ഒളിച്ചുവയ്ക്കാന് ഒന്നുമില്ല. ഫോണിന്റെ പേരില് കസ്റ്റംസിന് തന്നെ ചോദ്യം ചെയ്യേണ്ട കാര്യമില്ലെന്നും അദ്ദേഹം കൂട്ടിചേര്ത്തും.
ഡോളര്ക്കടത്ത് കേസില് സ്പീക്കര് പി. ശ്രീരാമകൃഷ്ണനെ കസ്റ്റംസ് ഉടന് ചോദ്യംചെയ്യുമെന്നും അതിന്റെ ഭാഗമായി നോട്ടീസ് നല്കുന്ന നടപടി ക്രമങ്ങല് തുടങ്ങിയെന്നും വാര്ത്തകള് വന്നിയിരുന്നു. ഇതിനിടെയാണ് സ്പീക്കര് തന്റെ നിലപാട് വ്യക്തമാക്കിയത്. ഇതോടെ കസ്റ്റംസ് നോട്ടീസ് നല്കിയാലും സ്പീക്കര് ചോദ്യം ചെയ്യലിന് ഹാജരകുമോ എന്ന് കണ്ടറിയണം. ഈ സാഹചര്യത്തില് ചോദ്യം ചെയ്യല് പ്രശ്നം കസ്റ്റംസിനെ കോടതിലേക്ക് എത്തിക്കാനാണ് സാധ്യത.
നിയമസഭാ സമ്മേളനം അവസാനിച്ചതിനാല് എത്രയുംവേഗം ചോദ്യം ചെയ്യാനാണ് കസ്റ്റംസിന്റെ തീരുമാനം. മൂന്നുതലങ്ങളില് ഇതിനായി നിയമോപദേശം തേടുന്നുണ്ട്. ഓരോവാക്കും വരികളും ഇതിന്റെ അടിസ്ഥാനത്തിലാണ് ചേര്ക്കുക. നിയമസഭാ സെക്രട്ടേറിയറ്റും കസ്റ്റംസും തമ്മില് സ്പീക്കറുടെ അസിസ്റ്റന്റ് പ്രൈവറ്റ് സെക്രട്ടറിയുടെ ചോദ്യം ചെയ്യല് നോട്ടീസിന്റെ പേരില് 'കത്ത് യുദ്ധം' നടന്നതിനാല് അതിശ്രദ്ധയോടെയാണ് നടപടിക്രമങ്ങള് കൈകാര്യം ചെയ്യുന്നത്. കസ്റ്റംസ് ചട്ടങ്ങള് പ്രകാരം സ്പീക്കറെ ചോദ്യംചെയ്യുന്നതില് നിയമതടസ്സങ്ങളൊന്നുമില്ലെന്നാണ് അസിസ്റ്റന്റ് സോളിസിറ്റര് ജനറല് അറിയിച്ചത്. അന്വേഷണത്തെ തടസ്സപ്പെടുത്താന് ആഗ്രഹിക്കുന്നില്ലെന്ന് സ്പീക്കര് ശ്രീരാമകൃഷ്ണനും വ്യക്തമാക്കിയിരുന്നു. എന്നാല് സ്പീക്കറുടെ പുതിയ പ്രസ്താവന സംശയം വര്ധിപ്പിക്കുകയാണ്.
സ്പീക്കര് പി. ശ്രീരാമകൃഷ്ണനു തന്റെ പേരില് സിം കാര്ഡ് എടുത്തു നല്കിയതു കുടുംബാംഗങ്ങളുമായുള്ള സ്വകാര്യസംഭാഷണത്തിനു വേണ്ടിയാണെന്നു സ്പീക്കറുടെ സുഹൃത്ത് നാസര് അയൂബ് കസ്റ്റംസിനു നല്കിയ മൊഴി. തനിക്കു വേറെയും സിം കാര്ഡുകള് ഉണ്ടെങ്കിലും ഒരു സ്വകാര്യ നമ്പര് കൂടിവേണമെന്ന സ്പീക്കറുടെ താല്പര്യപ്രകാരമാണു തന്റെ പേരില് സിം കാര്ഡ് എടുത്തു നല്കിയതെന്നും നാസര് വെളിപ്പെടുത്തി. ഇതുതന്നെയാണ് സ്പീക്കറും ആവര്ത്തിക്കുന്നത്.
ഏറെക്കാലമായി ഗള്ഫിലായിരുന്നു. ഇപ്പോള് നാട്ടിലാണ്. വീണ്ടും ഗള്ഫില് പോകാനിരിക്കുകയാണ്. സുഹൃത്തെന്ന നിലയ്ക്കാണു താന് ഇതു ചെയ്തതെന്നും നാസര് മൊഴി നല്കി. എന്നാല്, കുടുംബാംഗങ്ങളുമായി സംസാരിക്കാര് നാസര് സിം കാര്ഡ് നല്കിയതു എന്തിനാണെന്ന ചോദ്യത്തിനു സ്പീക്കറുടെ ഫോണുകള് അന്വേഷണ ഏജന്സികളുടെ നീരിക്ഷണത്തില് ആയതിനാലാണ് എന്നായിരുന്നു മറുപടി. നാസറിനു പുറമേ മസ്കറ്റില് വിദ്യാഭ്യാസ സ്ഥാപനം നടത്തുന്ന പൊന്നാനി സ്വദേശി ലഫീര് മുഹമ്മദിനെയും കസ്റ്റംസ് ചോദ്യം ചെയ്തിരുന്നു. സ്പീക്കര്ക്ക് സ്വര്ണക്കടത്തുകേസിലെ പ്രധാനപ്രതി സ്വപ്ന സുരേഷുമായി അടുത്തബന്ധമുണ്ടെന്നാണു ആക്ഷേപമുള്ളത്. നാസറിന്റെ പേരിലുള്ള സിം കാര്ഡാണു സ്പീക്കര് നേരത്തെ ഉപയോഗിച്ചിരുന്നത്. എന്നാല്, നയതന്ത്ര ബാഗേജില് നിന്നു സ്വര്ണം കണ്ടെടുത്ത ജൂെലെ ആദ്യവാരം മുതല് സിം കാര്ഡ് പ്രവര്ത്തിക്കുന്നില്ല.
https://www.facebook.com/Malayalivartha