സ്കൂട്ടറിനു പിന്നിലിരുന്നു സംസാരിച്ചിരുന്ന തന്റെ പ്രിയതമ നിമിഷ നേരം കൊണ്ട് കണ്മുന്നില് ചിതറിത്തെറിച്ചത് വിശ്വസിക്കാനാകാതെ ഭര്ത്താവ്, മരണ ശേഷം നടത്തിയ പരിശോധനയില് നിഷയ്ക്ക് കോവിഡ്; നാടിന് തീരാ കണ്ണീരായി നിഷയുടെ വിയോഗം...
ഭര്ത്താവിനൊപ്പം സ്കൂട്ടറില് യാത്ര ചെയ്ത യുവതി ടോറസ് ലോറിക്ക് അടിയില്പെട്ടു മരിച്ചു. നാഗമ്ബടം മീനച്ചിലാര് പാലത്തിലേക്കു പ്രവേശിക്കുന്ന ഭാഗത്ത് ഇന്നലെ രാവിലെ 9.20നായിരുന്നു അപകടം.
നട്ടാശേരി പുത്തേട്ട് വൈശാഖ് ഭവനില് പ്രകാശ് ഗോപിയുടെ ഭാര്യ നിഷ പ്രകാശ് (43) ആണു ദാരുണമായി കൊല്ലപ്പെട്ടത്. റോഡില് വീണുപോയ പ്രകാശിന് പരുക്കുകളില്ല. മരണ ശേഷം നടത്തിയ പരിശോധനയില് നിഷയ്ക്ക് കോവിഡ് സ്ഥിരീകരിച്ചു. നിഷയുടെ ഭര്ത്താവ് പ്രകാശ് ഗോപി ആയുര്വേദ തെറപ്പിസ്റ്റാണ്.
മക്കള്: അംഷ (മൈക്രോബയോളജി വിദ്യാര്ഥിനി, എസ്എംഇ ഗാന്ധിനഗര്), അംഷിത്ത് (ഒന്നാം വര്ഷം ബിരുദ വിദ്യാര്ഥി, കഞ്ഞിക്കുഴി). നിഷയുടെ മൃതദേഹം ജനറല് ആശുപത്രി മോര്ച്ചറിയിലേക്കു മാറ്റി.
സംസ്കാരം ഇന്ന് ഉച്ചയ്ക്ക് 2 ന് മുട്ടമ്ബലം ശ്മശാനത്തില്. അപകടത്തില് ഗാന്ധിനഗര് പൊലീസ് കേസെടുത്തു. അപകടത്തെത്തുടര്ന്ന് ഒരു മണിക്കൂറോളം എംസി റോഡില് ഗതാഗതം തടസ്സപ്പെട്ടു.
സ്കൂട്ടറിനു പിന്നിലിരുന്നു സംസാരിച്ചിരുന്ന ഭാര്യ നിഷയുടെ ശരീരം ചിതറിത്തെറിക്കുന്ന ഭീകരമായ കാഴ്ചയാണ് പ്രകാശ് ഗോപിയുടെ കണ്ണുകളില് നിറഞ്ഞു നില്ക്കുന്നത്.
എംഡി കമേഴ്സ്യല് സെന്ററിലെ ലെവല് 10 തുണിക്കടയിലെ ജീവനക്കാരിയായ നിഷയെ പതിവായി ജോലി സ്ഥലത്തേക്കു സ്കൂട്ടറില് കൊണ്ടുവിടുന്നത് ഭര്ത്താവ് പ്രകാശ് ആണ്.
സ്കൂട്ടര് നാഗമ്ബടം മീനച്ചിലാര് പാലത്തില് കയറിയപ്പോള് വലതുവശത്ത് ഒരു ടോറസ് ഉണ്ടായിരുന്നു. അല്പം മുന്നോട്ടു നീങ്ങിയപ്പോള് വാഹനത്തിരക്ക് കൂടി. ടോറസ് സ്കൂട്ടറിനോട് ചേര്ന്നു പോകുന്ന സ്ഥിതിയായി.
ബ്രേക്ക് ചെയ്തപ്പോള് സ്കൂട്ടര് നിയന്ത്രണം വിട്ടു മറിഞ്ഞു. പ്രകാശ് ഇടതുഭാഗത്തേക്കാണ് വീണത്. പിന്നില് ഇടതു വശത്തേക്ക് ചരിഞ്ഞ് ഇരുന്ന നിഷ പിന്നിലേക്ക് വീണു. ടോറസിന്റെ പിന് ടയറിന്റെ അടിയിലേക്കാണ് നിഷ വീണത്.
നിമിഷ നേരം കൊണ്ട് ടോറസ് ലോറി ശരീരത്തിലൂടെ കയറി ഇറങ്ങി. എന്തു ചെയ്യണമെന്ന് അറിയാന് കഴിയാതെ ഭയന്നു പോയ പ്രകാശ് ഭാര്യയുടെ വിയോഗം കണ്ടതിന്റെ ഞെട്ടലില്നിന്ന് മുക്തനാകാതെ കണ്ണീര് വാര്ത്തു. പൊലീസ് എത്തിയതോടെ പ്രകാശിനെ അവര് പൊലീസ് ജീപ്പിലേക്ക് മാറ്റി
നാഗമ്ബടത്ത് യുവതി മരിക്കാന് ഇടയായ സംഭവത്തില് ടോറസ് ലോറി എത്തിയതു സമയക്രമം ലംഘിച്ച്. കലക്ടറുടെ ഉത്തരവ് പ്രകാരം ടിപ്പര് ലോറികളും ടിപ്പര് മെക്കാനിസം ഘടിപ്പിച്ച വാഹനങ്ങളും രാവിലെ 8.30 മുതല് 9.30 വരെയും വൈകിട്ട് 3.30 മുതല് 4.30 വരെയും ജില്ലയില് ഓടിക്കരുതെന്നാണ് വ്യവസ്ഥ. 2018ലാണ് ഇതു സംബന്ധിച്ച് ഉത്തരവ് ഇറങ്ങിയത്. എന്നാല്, ഈ സമയം പാലിക്കാതെ ടിപ്പറുകള് സര്വീസ് നടത്തുന്നുണ്ട്.
https://www.facebook.com/Malayalivartha