വിവാഹത്തിന് മുൻപ് കോടികളുടെ സ്വപ്നം സ്വന്തമാക്കി നയൻതാരയും വിഗ്നേഷും... ഇനി ഇരുവരും ഒന്നിച്ച് താമസം... കണ്ണുവെച്ച് ആരാധകർ
കേരളത്തിന്റെ മകളായി ജനിച്ച് തമിഴ്നാടിന്റെ മരുമകളായും മകളായും മാറിയ ലേഡി സൂപ്പർസ്റ്റാറാണ് നയൻതാര. ഇപ്പോഴിതാ നയൻതാരയുടെ പുതിയ വിശേഷമാണ് വൈറലാകുന്നത്. ചെന്നൈയിലെ പോയസ് ഗാർഡനിൽ പുതിയ വീട് സ്വന്തമാക്കി തെന്നിന്ത്യൻ ലേഡി സൂപ്പർസ്റ്റാർ നയൻതാര. കാമുകനും സംവിധായകനുമായ വിഗ്നേഷ് ശിവനൊപ്പം നാല് ബെഡ്റൂമുകളുള്ള ഈ വീട്ടിലേക്ക് അധികം വൈകാതെ താരം താമസം മാറുമെന്നാണ് റിപ്പോർട്ടുകൾ.
പോയസ് ഗാർഡനിൽ തന്നെ ഒരു വീട് കൂടി വാങ്ങാൻ താരം പദ്ധതിയിടുന്നുണ്ടെന്നാണ് സൂചന. എന്നാൽ ഇതിനെക്കുറിച്ച് ഇതുവരെ നടി പ്രതികരിച്ചിട്ടില്ല. ചെന്നൈയിലെ വളരെ പ്രസിദ്ധമായ സ്ഥലമാണ് പോയസ് ഗാർഡൻ. അന്തരിച്ച മുൻ തമിഴ്നാട് മുഖ്യമന്ത്രി ജയലളിതയ്ക്കും, നടൻ രജനികാന്തിനും ഇവിടെ വീടുകളുണ്ട്.
രജനികാന്തിന്റെ വീടിന് തൊട്ടടുത്ത് തന്നെയാണ് മരുമകനും നടനുമായ ധനുഷും തന്റെ സ്വപ്ന ഭവനം പണിയുന്നത്.അടുത്തിടെയായിരുന്നു നയൻതാര തന്റെ മുപ്പത്തിയേഴാം ജന്മദിനം ആഘോഷിച്ചത്. വിഗ്നേഷിനൊപ്പം 'കാതുവാക്കുള രണ്ട് കാതൽ' എന്ന ചിത്രത്തിന്റെ ലൊക്കേഷനിൽവച്ചായിരുന്നു പിറന്നാളാഘോഷം. അടുത്ത ബന്ധുക്കളുടെ സാന്നിദ്ധ്യത്തിൽ ഈ വർഷം ആദ്യം ഇരുവരുടെയും വിവാഹ നിശ്ചയം നടന്നിരുന്നു.
ആരാധകർ ഏറെ കാത്തിരിക്കുന്ന താരവിവാഹമാണ് വിഘ്നേശിന്റെയും നയൻതാരയുടെയും. ഇരുവരും തമ്മിലുള്ള വിവാഹനിശ്ചയം കഴിഞ്ഞുവെന്ന് നയൻതാര നേരത്തെ സ്ഥിരീകരിച്ചിരുന്നു. വിവാഹം ഈ വർഷം തന്നെ നടക്കുമെന്ന് അഭ്യൂഹങ്ങളുണ്ട്.
അതിനിടെ രസകരമായ ഒരു വാർത്തയും പുറത്ത് വന്നിരുന്നു. ജ്യോതിഷപ്രകാരമുള്ള ദോഷങ്ങൾ പരിഹരിക്കാൻ നയൻതാര വിവാഹത്തിന് മുൻപെ മരത്തെ വരണ്യമാല്യം അണിയിക്കുമെന്നാണ് അഭ്യൂഹങ്ങൾ. നയൻതാരയ്ക്ക് ജാതകദോഷമുണ്ടെന്നും ജ്യോതിഷിയുടെ നിർദേശപ്രകാരണമാണ് ഇത് ചെയ്യുന്നതെന്നും റിപ്പോർട്ടുകളിൽ പറയുന്നു.
ഇത് സംബന്ധിച്ച് ഔദ്യോഗിക സ്ഥിരീകരണമൊന്നും വന്നിട്ടില്ല.നയൻതാരയും വിഘ്നേഷ് ശിവനും അടുത്തിടെ നിരവധി ക്ഷേത്രങ്ങൾ ആണ് സന്ദർശിച്ചത്. ഷിർദി സായി ക്ഷേത്രം, മുംബൈയിലെ സിദ്ധി വിനായക് ക്ഷേത്രം, ആന്ധ്രയിലെ തിരുപ്പതി തിരുമലൈ ക്ഷേത്രം എന്നിവിടങ്ങളിൽ ഇരുവരും സന്ദർശനത്തിനെത്തിയത് വാർത്തകളിൽ ഇടംനേടിയിരുന്നു.
https://www.facebook.com/Malayalivartha