അവിവാഹിതകളായ ബോക്‌സിംഗ് താരങ്ങളെ ഗര്‍ഭപരിശോധനയ്ക്ക് വിധേയമാക്കുന്നതിന് പിന്തുണയുമായി പ്രമുഖ താരം മേരികോം രംഗത്തെത്തി. വനിതാ ബോക്‌സര്‍മാരുടെ സുരക്ഷയ്ക്ക് ഗര്‍ഭപരിശോധന നല്ലതാണെന്ന് മേരികോം അഭിപ്രായപ്പെട്ടു. താനും ഇത്തരം പരിശോധനകള്‍ക്ക് വിധേയമായിട്ടുണ്ട്.
ബോക്‌സിംഗ് അസോസിയേഷന്റെ മാര്‍ഗനിര്‍ദ്ദേശങ്ങള്‍ക്ക് അനുസൃതമായാണ് ഇത്തരം പരിശോധനകള്‍ നടത്തുന്നത്. ഇത് ലോകത്താകമാനം ചെയ്യുന്ന കാര്യമാണെന്നും മേരികോം പറഞ്ഞു. അതുകൊണ്ടുതന്നെ ഇക്കാര്യം കൂടുതല്‍ വിവാദമാക്കേണ്ട കാര്യമില്ലെന്നും അവര്‍ അഭിപ്രായപ്പെട്ടു.
അടുത്തയാഴ്ച കൊറിയയില്‍ ആരംഭിക്കുന്ന ലോക ബോക്‌സിംഗ് ചാംപ്യന്‍ഷിപ്പില്‍ പങ്കെടുക്കുന്ന എട്ടു ഇന്ത്യന്‍ വനിതാ ബോക്‌സര്‍മാരെ ഗര്‍ഭപരിശോധനയ്ക്ക് വിധേയമാക്കുന്നുണ്ട്. അവിവാഹിതകളായ താരങ്ങളെ ഇത്തരം പരിശോധനയ്ക്ക് വിധേയമാക്കുന്നതാണ് വിവാദമായി മാറിയത്. ഇക്കാര്യത്തില്‍ കേന്ദ്ര കായികമന്ത്രാലയം വേണ്ടരീതിയില്‍ ഇടപെട്ടിട്ടില്ലെന്നും ആരോപണമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha