ദേശീയ ജൂണിയര് അത്ലറ്റിക്ക് മീറ്റിന് ഇന്ന് തുടക്കം
മുപ്പതാമത് ദേശീയ ജൂണിയര് അത്ലറ്റിക്ക് മീറ്റിന് ഇന്ന് വിജയവാഡയില് തുടക്കമാകും. ദേശീയ ജൂനിയര് അത്ലറ്റിക് ചാമ്പ്യന്ഷിപ്പില് ഹാട്രിക് കിരീടം സ്വപ്നം കണ്ട് കേരള ടീം വിജയവാഡയിലെത്തി. മത്സരങ്ങള്ക്ക് നാളെ ഇന്ദിരാഗാന്ധി മിനിസിപ്പല് സ്റ്റേഡിയത്തില് തിരിതെളിയും. മുപ്പതു വരെയാണ് മത്സരങ്ങള്. ഉദ്ഘാടന ദിനം മൂന്ന് ഫൈനലുകളാണുള്ളത്. 14, 16, 18, 20 എന്നീ വിഭാഗങ്ങളിലാണ് മത്സരങ്ങള്.
158 പേരാണ് കേരളത്തില് നിന്നെത്തിയത്. തിങ്കളാഴ്ച രാത്രി പന്ത്രണ്ട് മണിയോടെയാണ് പാടലിപുത്ര എക്സ്പ്രസില് അവര് വിജയവാഡയിലെത്തിയത്. കേരള ടീമംഗങ്ങള് ഇന്നു വൈകീട്ട് മുനിസിപ്പല് സ്റ്റേഡിയത്തില് പരിശീലനം നടത്തി. ചാമ്പ്യന്ഷിപ്പില് ഇതുവരെയായി 19 തവണ കേരളം കിരീടം ചൂടിയിട്ടുണ്ട്. വേണ്ടത്ര പരിശീലനമില്ലാതെയാണ് കേരളം എത്തിയതെങ്കിലും മികച്ച പ്രതീക്ഷയാണ് ടീമിനള്ളതെന്ന് പരിശീലകര് പറഞ്ഞു. കഴിഞ്ഞ തവണ ബാംഗ്ലൂരിലും അതിന് മുന്പ് ലഖ്നൗവിലുമാണ് കേരളം കിരീടം ചൂടിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
