സംസ്ഥാന സ്‌കൂള്‍ കായികമേളയുടെ രണ്ടാം ദിനം മിഴിതുറന്നത് എം.വി. വര്‍ഷയുടെ ഇരട്ടസ്വര്‍ണനേട്ടം കണി കണ്ടുകൊണ്ട്. സീനിയര്‍ പെണ്‍കുട്ടികളുടെ 5000 മീറ്റര്‍ ഓട്ടത്തിലാണ് പറളി സ്‌കൂളിലെ വിദ്യാര്‍ഥിയായ വര്‍ഷ രണ്ടാം ദിനം സ്വര്‍ണം നേടിയത്. ആദ്യദിനം നടന്ന 3000 മീറ്റര്‍ ഓട്ടത്തിലും വര്‍ഷ സ്വര്‍ണം നേടിയിരുന്നു.
രണ്ടാം ദിനത്തിലെ ആദ്യയിനമായ സീനിയര്‍ പെണ്‍കുട്ടികളുടെ 5 കിലോമീറ്റര്‍ നടത്തത്തിലും പറളി തന്നെയാണ് പൊന്നണിഞ്ഞത്. കെ.ടി. നീന സ്വര്‍ണം നേടി. സീനിയര്‍ ആണ്‍കുട്ടികളുടെ അഞ്ച് കിലോമീറ്റര്‍ നടത്തത്തില്‍ കെ.ആര്‍. സുജിത്ത് സ്വര്‍ണം നേടി. ഇന്ന് 22 ഇനങ്ങളിലാണ് ഫൈനല്‍ നടക്കുന്നത്.