യുവേഫ ചാംപ്യന്‍സ് ലീഗ്: ബാഴ്‌സയ്ക്കു ജയം
യുവേഫ ചാംപ്യന്‍സ് ലീഗില്‍ ബാഴ്‌സലോണയ്ക്കും ചെല്‍സിക്കും മാഞ്ചസ്റ്റര്‍ സിറ്റിക്കും ബയേണ്‍ മ്യൂണിക്കിനും ജയം. ഒന്നിനെതിരെ മൂന്നു ഗോളുകള്‍ക്കാണ് പിഎസ്ജിക്കെതിരെ ബാഴ്‌സയുടെ ജയം. ലയണല്‍ മെസ്സി, നെയ്മര്‍, ലൂയി സുവാരസ് എന്നിവര്‍ ബാഴ്‌സയ്ക്കായി ഗോളുകള്‍ നേടി. ഇബ്രഹിമോവിച്ചിന്റെ വകയായിരുന്നു പിഎസ്ജിയുടെ ഗോള്‍.
ഒന്നിനെതിരെ മൂന്നു ഗോളുകള്‍ക്കു തന്നെയായിരുന്നു ചെല്‍സിയുടെ ജയവും. സ്‌പോര്‍ട്ടിങ് സിപിയെയാണ് ചെല്‍സി പരാജയപ്പെടുത്തിയത്. ഫാബ്രിഗാസും ഷൂറിളും മൈക്കലും ചെല്‍സിയുടെ ഗോളുകള്‍ കരസ്ഥമാക്കി.
എതിരില്ലാത്ത രണ്ടു ഗോളുകള്‍ക്ക് റോമയെ പരാജയപ്പെടുത്തിയായിരുന്നു മാഞ്ചസ്റ്റര്‍ സിറ്റിയുടെ ജയം. നസ്രിയും സബലേറ്റയുമാണ് സിറ്റിയുടെ വിജയത്തിനു പിന്നില്‍. എതിരില്ലാത്ത മൂന്നു ഗോളുകള്‍ക്ക് സിഎസ്‌കെഎ മോസ്‌ക്വയെ തകര്‍ത്താണ് ബയേണ്‍ വിജയിച്ചത്. തോമസ് മുള്ളറും റോഡും ഗോഡ്‌സെയും ബയേണിനായി ഗോളുകള്‍ നേടി.
എപ്യൂളിനെ എതിരില്ലാത്ത നാലു ഗോളുകള്‍ക്ക് അജാക്‌സ് തറപറ്റിച്ചപ്പോള്‍, ബേറ്റിനെ രണ്ടു ഗോളുകള്‍ക്ക് അത്‌ലറ്റിക് ക്ലബ്ബും പരാജയപ്പെടുത്തി.
https://www.facebook.com/Malayalivartha
