ഇന്ത്യന്‍ താരങ്ങളായ ജോഷ്‌ന ചിന്നപ്പയും ദീപിക പള്ളിക്കലും ലോക വനിതാ സ്‌ക്വാഷ് ചാന്പ്യന്‍ഷിപ്പിന്റെ പ്രീക്വാര്‍ട്ടറില്‍ കടന്നു. പ്രീക്വാര്‍ട്ടറില്‍ ജോഷ്‌ന ലോക ഏഴാം റാങ്കുകാരി മലേഷ്യയുടെ വീ വേണിനെ നേരിടും. മൂന്നാം റാങ്കുകാരി ഈജിപ്റ്റിന്റെ എല്‍ വെലിലിയാണ് പ്രീക്വര്‍ട്ടറില്‍ ദീപികയുടെ എതിരാളി. 22 റാങ്കുകാരിയായ ജോഷ്‌നയ്ക്കും 14 റാങ്കുകാരിയായ ദീപികയ്ക്കും കടുത്ത മത്സരമാകും പ്രീക്വാര്‍ട്ടറില്‍ നേരിടേണ്ടി വരിക.
തിങ്കളാഴ്ച പ്രാഥമിക റൗണ്ടില്‍ 12ാം സീഡ് അയര്‍ലണ്ടിന്റെ മഡെലൈന്‍ പെറിയ്‌ക്കെതിരെ അട്ടിമറി വിജയമാണ് ജോഷ്‌ന നേടിയത്. 50 മിനിട്ട് നീണ്ട മത്സരത്തില്‍ 1412 117 411 117 എന്ന സ്‌കോറിനാണ് അയര്‍ലണ്ടുകാരിയെ കീഴടക്കിയത്.
മെക്‌സിക്കോയുടെ സാമന്താ ടെറനെയാണ് ദീപിക പരാജയപ്പെടുത്തിയത്. ആദ്യ രണ്ട് സെറ്റുകളില്‍ പരാജയപ്പെട്ട ദീപിക തുടര്‍ന്ന് മികച്ച തിരിച്ചുവരവ് നടത്തുകയായിരുന്നു.