കേരളം ദേശീയ ഗെയിംസിന്റെ ലഹരിയിലേക്ക് കടന്നു കഴിഞ്ഞു. ഇനി കേവലം ഒന്നര ആഴ്ച മാത്രമാണ് ദേശീയ ഗെയിംസിനുള്ളത്. ദേശീയ ഗെയിംസിന്റെ വരവറിയിക്കാനുള്ള റണ്‍ കേരള റണ്ണാണ് എവിടേയും സംസാര വിഷയം. ഒന്ന് ഓടിയില്ലങ്കില്‍ കൂടി ഓടുന്നവരെ കാണുകയെങ്കിലും ചെയ്യാനൊരുങ്ങുകയാണ് ശരാശരി മലയാളികള്‍. ഓടുന്നവര്‍ക്ക് വിപുലമായ സജ്ജീകരണമാണ് ഒരുക്കിയിരിക്കുന്നത്. റണ്‍ കേരളയുടെ ഒരു ടീ ഷര്‍ട്ടും തൊപ്പിയും ഓടുന്നവര്‍ക്ക് ലഭിക്കും. 14 ജില്ലകളിലായി 700 ലധികം സ്ഥലങ്ങളിലാണ് ഒരേസമയം ഓടുന്നത്. പ്രായഭേദമന്യേ എല്ലാവരും ഓടാനെത്തുന്നു. സ്‌കൂള്‍ കുട്ടികള്‍ മുതല്‍ വിവിധ ഓഫീസുകളും സംഘടനകളുമെല്ലാം ഓട്ടത്തിന്റെ ഭാഗമാകും.

ഓടിയില്ലെങ്കില്‍ കൂടി ഓടുന്നവരെ കാണാന്‍ എത്തുന്നവരായിരിക്കും അധികവും. സെലിബ്രിറ്റികള്‍ ഉള്ള സ്ഥലങ്ങളില്‍ ഓട്ടം കാണാനെത്തുന്നവര്‍ വളരെ കൂടുതലായിരിക്കും. ഇതില്‍ ഏറ്റവും പ്രധാനമാണ് തലസ്ഥാനമായ തിരുവനന്തപുരം. ഇന്ത്യയുടെ അഭിമാനമായ സച്ചിന്റെ സാന്നിധ്യമാണ് മലയാളികളെ ആവേശഭരിതമാക്കുന്നത്. ഒപ്പം മലയാളികള്‍ക്ക് ഏറെ ഇഷ്ടമുള്ള കാവ്യ മാധവനും കൂടെ ഓടുമെന്നാണ് അറിയുന്നത്. ട്രാക്ക് സ്യൂട്ടുമണിഞ്ഞുള്ള കാവ്യയുടെ ഓട്ടം എങ്ങനെയാണെന്നറിയാന്‍ ആരാധകര്‍ക്ക് ആവേശമുണ്ട്. അതും സച്ചിനോടൊപ്പമാകുമ്പോള്‍ ആ ആവേശം പതിന്മടങ്ങാകും.

സച്ചിനോടൊപ്പം ഓടാന്‍ കൊതിക്കുകയാണെന്ന് കഴിഞ്ഞ ദിവസം കാവ്യ പറഞ്ഞത് വളരെ വാര്‍ത്താ പ്രാധാന്യം നേടിയിരുന്നു. എന്നാല്‍ തിരക്ക് കാരണം സച്ചിനോടൊപ്പം ഓടാന്‍ കഴിയുമോന്ന ആശങ്കയും കാവ്യ പങ്കുവച്ചിരുന്നു. എന്നാല്‍ കാവ്യ എത്തുമെന്ന് തന്നെയാണ് സംഘാടകരുടേയും പ്രതീക്ഷ. ആ പ്രതീക്ഷ തന്നെയാണ് ആരാധകര്‍ക്കുമുള്ളത്. സച്ചിനും കാവ്യയും ഒന്നിച്ചോടട്ടെ. കാണാന്‍ ഞങ്ങളുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha