ദേശീയ സീനിയര് അത് ലറ്റിക് മീറ്റില് കേരളത്തിന് ആദ്യമെഡല്
അമ്പത്തിയഞ്ചാമത് ദേശീയ സീനിയര് അത് ലറ്റിക് മീറ്റില് കേരളത്തിന് ആദ്യമെഡല്. പുരുഷന്മാരുടെ 5000 മീറ്റര് ഓട്ടത്തില് ടി.ഗോപിയാണ് വെള്ളിമെഡല് കരസ്ഥമാക്കിയത്. ഇതേ ഇനത്തില് തമിഴ്നാടിന്റെ എല്.സൂര്യയാണ് സ്വര്ണമെഡല് കരസ്ഥമാക്കിയത്. കേരളത്തില് നിന്നടക്കം 700ഓളം അത്ലറ്റുകള് മാറ്റുരക്കുന്ന ചാമ്പ്യന്ഷിപ് ഈമാസം 13 വരെ നീളും. ആഗസ്റ്റ് 22 മുതല് 30 വരെ ബെയ്ജിങ്ങില് നടക്കുന്ന ലോക അത്ലറ്റിക് ചാമ്പ്യന്ഷിപ്പിലേക്കുള്ള അവസാനയോഗ്യതാ മത്സരം കൂടിയാണിത്.
കഴിഞ്ഞ മീറ്റില് ഇരട്ട സ്വര്ണം നേടിയ മയൂഖ ജോണി, മികച്ച ഫോമിലുള്ള ടിന്റു ലൂക്ക, എം.എ. പ്രജുഷ, ആര്. അനു, അനില്ഡ തോമസ്, പി.യു. ചിത്ര, ഡൈബി സെബാസ്റ്റ്യന് തുടങ്ങിയവര് വനിതാനിരയെ നയിക്കും. പുരുഷനിരയില് തുടര്ച്ചയായ മൂന്നു ഏഷ്യന് ഗ്രാന്റ്പ്രീ മീറ്റുകളില് സ്വര്ണം നേടിയ ജിന്സണ് ജോണ്സണ്, സജീഷ് ജോസഫ്, കെ.ടി. ഇര്ഫാന്, രഞ്ജിത് മഹേശ്വരി, ജിതിന് പോള് തുടങ്ങിയവര് കേരളത്തിന്റെ പ്രതീക്ഷകളാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha