കിരീടം ചൂടി സാനിയ, വിമ്പിള്ഡണ് ഡബിള്സില് ഇന്ത്യയുടെ സാനിയ മിര്സ-സ്വിറ്റ്സര്ലന്ഡിന്റെ മാര്ട്ടിന ഹിന്ജിസ് സഖ്യത്തിന് കിരീടം
വനിതകളുടെ വിമ്പിള്ഡണ് ഡബിള്സില് ഇന്ത്യയുടെ സാനിയ മിര്സ-സ്വിറ്റ്സര്ലന്ഡിന്റെ മാര്ട്ടിന ഹിന്ജിസ് സഖ്യത്തിന് കിരീടം. വാശിയേറിയ പോരാട്ടത്തില് എല്ന വെസ്നിനഎക്തറിന- മക്കറോവ സഖ്യത്തെ 5-7, 7-6, 7-5 നു കീഴടക്കിയാണ് ഇന്തോസ്വിസ് സഖ്യം കിരീടത്തില് മുത്തമിട്ടത്. ആദ്യ സെറ്റ് നഷ്ടപ്പെട്ട ശേഷം പൊരുതിക്കയറിയാണ് സാനിയയും ഹിന്ജിസും കിരീടം നേടിയത്.
മൂന്നാം സെറ്റില് തുടര്ച്ചയായി അഞ്ചു ഗെയിമുകള് സ്വന്തമാക്കിയാണ് ടോപ്സീഡുകളായ സാനിയയും ഹിന്ജിസും കിരീടത്തിലേക്കെത്തിയത്. ആദ്യ സെറ്റ് 57ന് അടിയറവ് വച്ച സാനിയ-ഹിന്ജിസ് സഖ്യം രണ്ടാം സെറ്റ് നന്നായി തുടങ്ങിയെങ്കിലും ശക്തമായി തിരിച്ചടിച്ച വെസ്നിനമക്കറോവ സഖ്യം കനത്ത പോരാട്ടമാണ് കാഴ്ചവച്ചത്. ഒടുവില് ടൈബ്രേക്കറിലാണ് സാനിയയും ഹിന്ജിസും ആയുസ് നീട്ടിയെടുത്തത്. മൂന്നാം സെറ്റിലും മികച്ച പോരാട്ടം കാഴ്ചവച്ച വെസ്നിനമക്കറോവ സഖ്യം 52ന് മുന്നിലെത്തി കിരീടപ്രതീക്ഷ ഉയര്ത്തിയെങ്കിലും തുടര്ച്ചയായി അഞ്ചു ഗെയിമുകള് സ്വന്തമാക്കി ഇന്തോസ്വിസ് സഖ്യം കിരീടത്തിലേക്കെത്തി.
സാനിയയുടെ കരിയറിലെ നാലാം ഗ്രാന്സ്ലാം കിരീടമാണിത്. ഇതിന് മുന്പ് മൂന്നു തവണയും മിക്സഡ് ഡബിള്സിലായിരുന്നു സാനിയയുടെ കിരീട നേട്ടങ്ങള്. ഓസ്ട്രേലിയന് ഓപ്പണ് (2009), ഫ്രഞ്ച് ഓപ്പണ് (2012), യുഎസ് ഓപ്പണ് (2014) എന്നിവയിലായിരുന്നു സാനിയ നേരത്തെ കിരീടം നേടിയത്. സാനിയയുടെ പ്രഥമ വിമ്പിള്ഡന് കിരീടവുമാണിത്. ഗ്രാന്സ്ലാം ടൂര്ണമെന്റുകളില് വനിതാ ഡബിള്സില് സാനിയ ഉള്പ്പെട്ട സഖ്യം കിരീടം നേടുന്നതും നടാടെയാണ്. 2011ലെ ഫ്രഞ്ച് ഓപ്പണ് വനിതാ ഡബിള്സില് റഷ്യന് കൂട്ടാളിയായിരുന്ന എല്ന വെസ്നിനയ്ക്കൊപ്പം ഫൈനലില് കടന്നിരുന്നെങ്കിലും തോല്ക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha