രാഹുല് ദ്രാവിഡില് നിന്ന് ക്രിക്കറ്റ് പഠിക്കാൻ അവസരം ലഭിച്ച താരങ്ങള് ഭാഗ്യവാന്മാരാണെന്ന് സഞ്ജു സാംസണ്
രാഹുല് ദ്രാവിഡില് നിന്ന് ക്രിക്കറ്റ് പഠിക്കുവാന് അവസരം ലഭിച്ച താരങ്ങള് ഭാഗ്യവാന്മാരാണെന്ന് ഇന്ത്യന് യുവതാരം സഞ്ജു സാംസണ്. ഇന്ത്യ എ ടീമിലെയോ ജൂനിയര് സംഘത്തിലെയോ താരങ്ങള്ക്ക് ദ്രാവിഡിനൊപ്പം പ്രവര്ത്തിക്കുവാനുള്ള ഭാഗ്യം സിദ്ധിച്ചിട്ടുണ്ടെന്നും രാജസ്ഥാന് റോയല്സിന് വേണ്ടി ട്രയല്സിന് പോയ ദിവസം താനിന്നും ഓര്മ്മിക്കുന്നുണ്ടെന്ന് സഞ്ജു സാംസണ് പറയുന്നു.
ട്രയല്സിന്റെ അന്ന് നന്നായി ബാറ്റ് ചെയ്തപ്പോള് രാഹുല് ദ്രാവിഡ് തന്നെ വിളിച്ച് എന്റെ ടീമിന് വേണ്ടി കളിക്കുന്നുവോ എന്ന് ചോദിക്കുകയും, അത് തനിക്ക് ഒരിക്കലും മറക്കാനാകാത്ത നിമിഷമാണെന്നും സഞ്ജു കൂട്ടിച്ചേര്ത്തു. ഇന്ത്യയുടെ ശ്രീലങ്കന് ടൂറിന്റെ കോച്ചായി രാഹുല് ദ്രാവിഡ് എത്തുമ്ബോള് ആ ടീമില് നല്ലൊരു ശതമാനം താരങ്ങള് ദ്രാവിഡിന്റെ കീഴില് അണ്ടര് 19, ഇന്ത്യ എ ടീമുകളില് കളിച്ചവരാണെന്നുള്ള പ്രത്യേകത കൂടിയുണ്ട്.
മൂന്ന് വീതം ഏകദിന, ടി20 മത്സരങ്ങളാണ് ഇന്ത്യ ശ്രീലങ്കയ്ക്കെതിരെ കളിക്കുക. ഏകദിന പരമ്ബരയോടെയാണ് ഇന്ത്യ-ശ്രീലങ്ക പരമ്ബര ആരംഭിക്കുന്നത്. ഏകദിനങ്ങള് 18, 20, 23 തിയതികളിലായിരിക്കും നടക്കുക. ടി20 മത്സരങ്ങള് 25, 27, 29 തിയതികളിലായും നടക്കും. ഈ മാസം 13നായിരുന്നു ഏകദിന പരമ്ബര ആരംഭിക്കേണ്ടിരുന്നത്. ലങ്കന് ടീമില് കോവിഡ് സ്ഥിരീകരിച്ചതിന് പിന്നാലെ മത്സരം നീട്ടിവെയ്ക്കുകയായിരുന്നു.
https://www.facebook.com/Malayalivartha