താന് ഒരിക്കല് പോലും ആരെയും സ്വാധീനിക്കാന് ശ്രമിച്ചിരുന്നില്ല!! അധികാരികളിൽ നിന്നും മറ്റുള്ളവർക്ക് ലഭിക്കുന്ന പോലുള്ള പരിഗണന മാത്രം... ശരീരത്തോടുള്ള ഉത്തരവാദിത്തം ഏതൊരു കിരീടനേട്ടത്തെക്കാളും വലുത്, വാക്സിന് എടുക്കാതെ കളിപ്പിക്കില്ലെങ്കില് ഇനി ടെന്നിസ് കളിക്കുന്നില്ലെന്ന് ജോക്കോവിച്ച്
ഗ്രാന്ഡ്സ്ലാം ഉള്പ്പെടെയുള്ള ടെന്നിസ് മത്സരങ്ങളില് പങ്കെടുക്കുന്നതിന് കൊവിഡ് വാക്സിന് നിര്ബന്ധമാക്കിയാല് ടെന്നിസില് നിന്ന് വിരമിക്കാന് വരെ തയ്യാറാണെന്ന് നോവാക് ജോക്കോവിച്ച്.
അന്താരാഷ്ട്ര മാദ്ധ്യമമായ ബി ബി സിക്ക് നല്കിയ അഭിമുഖത്തിലാണ് ജോക്കോവിച്ച് ഇക്കാര്യം വെളിപ്പെടുത്തിയിരിക്കുന്നത്. അതേസമയം താന് വാക്സിന് എടുക്കുന്നതിന് എതിരല്ലെന്നും പക്ഷേ നിര്ബന്ധപൂര്വം വാക്സിന് എടുപ്പിക്കുന്നതിന് എതിരെയാണ് തന്റെ പ്രതിഷേധമെന്നും ജോക്കോവിച്ച് പറഞ്ഞു. വാക്സിന് എടുക്കണമെന്നുള്ളവര്ക്ക് എടുക്കാമെന്നും എന്നാല് വാക്സിന് സ്വീകരിക്കണമോ എന്നുള്ളത് ഒരു വ്യക്തിയുടെ സ്വാതന്ത്ര്യമാണെന്നും ജോക്കോവിച്ച് കൂട്ടിച്ചേര്ത്തു.
തന്റെ ശരീരത്തെ കുറിച്ചും ആരോഗ്യത്തെകുറിച്ചും മറ്റാരെക്കാളും ഉത്തരവാദിത്തം തനിക്കുണ്ടെന്നും ആ ഉത്തരവാദിത്തം ഏതൊരു കിരീടനേട്ടത്തെക്കാളും വലുതാണെന്നും ജോക്കോവിച്ച് വ്യക്തമാക്കി. കൊവിഡ് വാക്സിന് സ്വീകരിക്കാതെ ഓസ്ട്രേലിയന് ഓപ്പണില് കളിക്കാന് എത്തിയ ജോക്കോവിച്ചിനെ ഓസ്ട്രേലിയന് അധികൃതര് മടക്കി അയച്ചത് വലിയ വിവാദമായിരുന്നു.
ഓസ്ട്രേലിയന് ഓപ്പണില് പങ്കെടുക്കുന്നതിന് വേണ്ടി താന് ഒരിക്കല് പോലും ആരെയും സ്വാധീനിക്കാന് ശ്രമിച്ചിരുന്നില്ലെന്നും മറ്റാരെയും പോലുള്ള പരിഗണന തന്നെയാണ് തനിക്ക് അധികാരികളില് നിന്ന് ലഭിച്ചതെന്നും ജോക്കോവിച്ച് സൂചിപ്പിച്ചു. കൊവിഡ് ടെസ്റ്റ് റിസള്ട്ട് ഉള്പ്പെടെ മെഡിക്കല് ഇളവിന് വേണ്ടി ടൂര്ണമെന്റ് അധികൃതര് ആവശ്യപ്പെട്ട എല്ലാ രേഖകളുമടക്കമാണ് താന് ആപ്ളിക്കേഷന് അയച്ചതെങ്കിലും അവിടെയെത്തിയപ്പോള് തന്റെ പേര് ലിസ്റ്റില് ഉണ്ടായിരുന്നില്ലെന്നും ജോക്കോവിച്ച് പറഞ്ഞു
https://www.facebook.com/Malayalivartha
