ലോക ചെസ് ചാമ്പ്യൻ മാഗ്നസ് കാള്സനെ പരാജയപ്പെടുത്തി ഇന്ത്യയുടെ യുവ ഗ്രാന്ഡ്മാസ്റ്റര് ആര്.പ്രജ്ഞാനന്ദ; ഒന്നാം നമ്പര് താരത്തെ പ്രജ്ഞാനന്ദ പരാജയപ്പെടുത്തിയത് എയര്തിങ്സ് മാസ്റ്റേഴ്സിന്റെ എട്ടാം റൗണ്ടിൽ
ലോക ചെസ് ചാമ്പ്യനും ഒന്നാം നമ്പര് താരവുമായ മാഗ്നസ് കാള്സണെ ഇന്ത്യയുടെ യുവ ഗ്രാന്ഡ്മാസ്റ്റര് ആര്.പ്രജ്ഞാനന്ദ പരാജയപ്പെടുത്തി. എയര്തിങ്സ് മാസ്റ്റേഴ്സിന്റെ എട്ടാം റൗണ്ടിലായിരുന്നു പ്രജ്ഞാനന്ദയുടെ ജയം. കറുത്ത കരുക്കളുമായി കളിച്ച ഇന്ത്യന് താരം 39 നീക്കങ്ങള്ക്കൊടുവിലാണ് കാള്സണെ കീഴടക്കിയത്.
എട്ട് റൗണ്ടുകള് പൂര്ത്തിയാകുമ്ബോള് എട്ട് പോയിന്റുമായി 12-ാം സ്ഥാനത്താണ് പ്രജ്ഞാനന്ദ. ടൂര്ണമെന്റില് ഇതുവരെ ലേവ് അരോനിയനെ മാത്രമാണ് താരത്തിന് പരാജയപ്പെടുത്താനായിരുന്നത്. രണ്ട് മത്സരങ്ങള് സമനിലയാവുകയും മൂന്നെണ്ണത്തില് തോല്ക്കുകയും ചെയ്തിരുന്നു. അനീഷ് ഗിരി, ക്വാങ് ലീം ലെ എന്നിവര്ക്കെതിരെ സമനില വഴങ്ങിയ പ്രജ്ഞാനന്ദ എറിക് ഹാന്സെന്, ഡിംഗ് ലിറന്, ജാന്-ക്രിസ്റ്റോഫ് ദുഡ, ഷഖ്രിയാര് മമെദ്യറോവ് എന്നിവരോടാണ് തോറ്റത്.
ഏതാനും മാസങ്ങള്ക്ക് മുമ്ബ് ലോക ചാമ്ബ്യന്ഷിപ്പ് മത്സരത്തില് കാള്സനോട് തോറ്റ റഷ്യയുടെ ഇയാന് നെപോംനിയാച്ചിയാണ് 19 പോയിന്റുമായി ടൂര്ണമെന്റില് ഒന്നാം സ്ഥാനത്തുള്ളത്. ഡിംഗ് ലിറനും ഹാന്സണുമാണ് രണ്ടാം സ്ഥാനത്ത്. ഇരുവര്ക്കും 15 പോയിന്റ് വീതമാണുള്ളത്.
https://www.facebook.com/Malayalivartha