ഭാര്യയുമൊത്ത് ഔട്ടിംഗിനിറങ്ങിയ അമീർഖാനെ തോക്കുചൂണ്ടി കൊള്ളയടിച്ച് മുഖംമൂടി ധാരികൾ, 72,000 പൗണ്ട് വിലവരുന്ന ആഡംബര വാച്ച് തട്ടിയെടുത്തു...!
പ്രശസ്ത ബോക്സർ അമീർഖാൻ ഭാര്യയുമൊത്ത് ഔട്ടിംഗിനിറങ്ങിയപ്പോൾ തോക്കുചൂണ്ടി കൊള്ളയടിച്ചു. രണ്ട് മുഖം മൂടികൾ തോക്കുചൂണ്ടിയാണ് കൊള്ളയടിച്ചത്. 72,000 പൗണ്ട് വിലവരുന്ന ആഡംബര വാച്ചും അവർ തട്ടിയെടുത്തു. പരിസരത്ത് കാര്യമായി വെളിച്ചമുണ്ടായിരുന്നില്ലെന്നും മുഖം മൂടി അണിഞ്ഞാണ് കൊള്ളക്കാർ തന്റെ അടുത്ത് എത്തിയതെന്നും അമീർഖാൻ പറഞ്ഞു.
അടുത്തെത്തിയ അവർ തൊക്ക് എടുത്ത് തന്റെ തലയ്ക്ക് നേരെ നീട്ടുകയായിരുന്നു. അതോടെ താൻ മരണത്തിലേക്ക് നടന്നടുക്കുകയാണെന്ന ഭയം തോന്നിയെന്നും അദ്ദേഹം പറഞ്ഞു. ഭാര്യയേയും മക്കളെയും കുറിച്ചൊക്കെ ഒരു നിമിഷം ഓർത്തുപോയി. ഈ കൊള്ള ആസൂത്രണം ചെയ്ത വ്യക്തി ആരെന്ന് തനിക്കറിയാമെന്നാണ് മുൻ ലോകചാമ്പ്യൻ കൂടിയായ അമീർഖാൻ പറഞ്ഞത്.
ആദ്യം വിചാരിച്ചത് ഏതെങ്കിലും സുഹൃത്തുക്കൾ തമാശ കാണിക്കുകയാണെന്നാണ്.തോക്കു ചൂണ്ടിയ ഉടനെ നിങ്ങളുടെ വാച്ച് താ എന്ന് അക്രമി അലറിവിളിക്കുകയായിരുന്നു. താൻ മറുത്തൊന്നും പറയാതെ വാച്ച് ഊരി നൽകിയെന്നും അദ്ദേഹം പറഞ്ഞു. നിമിഷങ്ങൾക്കകം രത്നങ്ങൾ പതിച്ച വിലയേറിയ വാച്ചുമായി അവർ കടന്നുകളയുകയും ചെയ്തു.
തികച്ചുംആസൂത്രിതമാണ് ഈ ആക്രമണമെന്നും തന്റെ നീക്കങ്ങൾ നന്നായി അറിയാവുന്നവരാണ് ഇത് ആസൂത്രണം ചെയ്തിരിക്കുന്നതെന്നും ഖാൻ പറഞ്ഞു. ഭയന്നുവിറച്ച താൻ അലറിവിളിക്കുമ്പോഴേക്കും വാച്ചുമായി അവർ കടന്നുകളഞ്ഞു എന്നാണ് അമീർഖാന്റെ ഭാര്യ പറഞ്ഞത്. ഒരു മെഴ്സിഡസിൽ നിന്നും പുറത്തിറങ്ങി തന്റെ ഭർത്താവിന്റെ അടുത്തേക്ക് നടന്നടുക്കുന്ന രണ്ട് മുഖം മൂടികളുടെ വീഡിയോ അവർ ഇൻസ്റ്റാഗ്രാമിൽ പങ്കുവച്ചിട്ടുമുണ്ട്.
https://www.facebook.com/Malayalivartha