തോമസ് കപ്പ് ഗ്രൂപ്പ് സി മത്സരത്തില് കാനഡയെ പരാജയപ്പെടുത്തി ഇന്ത്യ നോക്കൗട്ട് ഘട്ടത്തിലേക്കു യോഗ്യത നേടി
10 MAY 2022 12:59 PM IST
മലയാളി വാര്ത്ത
തോമസ് കപ്പ് ഗ്രൂപ്പ് സി മത്സരത്തില് കാനഡയെ പരാജയപ്പെടുത്തി ഇന്ത്യ നോക്കൗട്ട് ഘട്ടത്തിലേക്കു യോഗ്യത നേടി. 5-0 എന്ന സ്കോറിനാണ് ഇന്ത്യയുടെ വിജയം.
കിഡംബി ശ്രീകാന്ത്, പ്രിയാന്ഷു രജാവത്, എച്ച്.എസ്. പ്രണോയ് എന്നിവരാണ് ഇന്ത്യക്കുവേണ്ടി സിംഗിള്സ് മത്സരങ്ങളിലിറങ്ങിയത്. ലക്ഷ്യ സെന്നിനു വിശ്രമം നല്കി.
ഡബിള്സില് സാത്വിക് സായി രാജ്- ചിരാഗ് ഷെട്ടി കൂട്ടുകെട്ടും കൃഷ്ണ പ്രസാദ് ഗാര്ഗ-വിഷ്ണുവര്ധന് ഗൗഡ് പഞ്ചാലയുമാണു മ ത്സരത്തിനിറങ്ങിയത്. ആദ്യ മത്സരത്തില് ജര്മനിയെ ഇതേ സ്കോറിന് ഇന്ത്യ പരാജയപ്പെടുത്തിയിരുന്നു.
ഗ്രൂപ്പ് സിയില് നാളെ ചൈനീസ് തായ്പേയിയുമായാണ് ഇന്ത്യയുടെ ഇനിയുള്ള മത്സരം. ടൂര്ണമെന്റില് ഇന്ത്യന് പുരുഷ ടീം ഇതുവരെ മെഡല് സ്വന്തമാക്കിയിട്ടില്ല, സെമി ഫൈനലിലും എത്തിയിട്ടില്ല.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
