ഖത്തര് ലോകകപ്പിന് യോഗ്യത നേടി ഓസ്ട്രേലിയന് ഫുട്ബോള് ടീം...
ഖത്തര് ലോകകപ്പിന് യോഗ്യത നേടി ഓസ്ട്രേലിയന് ഫുട്ബോള് ടീം. ഇന്റര്കോണ്ടിനെന്റല് പ്ലേ ഓഫില് പെറുവിനെ പെനാല്റ്റി ഷൂട്ടൗട്ടില് മറികടന്ന് ഓസ്ട്രേലിയ തുടര്ച്ചയായ അഞ്ചാം ലോകകപ്പ് ടിക്കറ്റ് ഉറപ്പാക്കി.
നിശ്ചിത സമയത്തും അധിക സമയത്തും ഇരു ടീമും സമനില (00) പാലിച്ചതോടെയാണ് മത്സരം ഷൂട്ടൗട്ടിലേക്ക് നീണ്ടത്. ഷൂട്ടൗട്ടില് 5-4നായിരുന്നു ഓസ്ട്രേലിയയുടെ ജയം. അധിക സമയത്തിന്റെ അവസാന മിനിറ്റുകളില് ക്യാപ്റ്റന് മാറ്റ് റയാന് പകരം കളത്തിലിറങ്ങിയ ഗോള് കീപ്പര് ആന്ഡ്രു റെഡ്മയ്ന് ഷൂട്ടൗട്ടില് ഓസീസിന്റെ ഹീറോയായി.
ഷൂട്ടൗട്ടില് ഓസീസിനായി മാര്ട്ടിന് ബോയല് ആദ്യ കിക്ക് തന്നെ നഷ്ടപ്പെടുത്തി. എന്നാല് പെറുവിന്റെ മൂന്നാം കിക്കെടുത്ത ലൂയിസ് അഡ്വിന്കുലയ്ക്കും പിഴച്ചതോടെ ഓസീസിന് ആശ്വാസം. അഞ്ച് കിക്കുകള് കഴിഞ്ഞപ്പോള് സ്കോര് 4-4 എന്ന നിലയിലായി.
ഓസീസിനായി ആറാം കിക്കെടുത്ത അവെര് മബില് പന്ത് ലക്ഷ്യത്തിലെത്തിച്ചപ്പോള് പെറുവിന്റെ അലക്സ് വലേരയുടെ കിക്ക് തടഞ്ഞ് ആന്ഡ്രു റെഡ്മയ്ന് ഓസീസിന് ജയമൊരുക്കി.
"
https://www.facebook.com/Malayalivartha