സെര്‍ബിയയുടെ ഒന്നാം സീഡ് നൊവാക് ജോക്കോവിച്ച് വിംബിള്‍ഡണ്‍ ടെന്നീസിന്റെ ക്വാര്‍ട്ടറില്‍ കടന്നു. ടൂര്‍ണമെന്റിലെ വൈല്‍ഡ് കാര്‍ഡ് എന്‍ട്രിയായ ഡച്ച് താരം ടിം വാന്‍ റൈത്തോവനെ നാലു സെറ്റുകള്‍ നീണ്ട പോരാട്ടത്തിനൊടുവില്‍ പരാജയപ്പെടുത്തിയാണ് ജോക്കോവിച്ച് വിംബിള്‍ഡണിലെ തന്റെ 13-ാം ക്വാര്‍ട്ടര്‍ ഫൈനല്‍ പോരാട്ടത്തിലേക്ക് കടക്കുന്നത്. സ്‌കോര്‍: 6-2, 4-6, 6-1, 6-2.


ചൊവ്വാഴ്ച നടക്കുന്ന ക്വാര്‍ട്ടറില്‍ യുവ ഇറ്റാലിയന്‍ താരം യാനിക് സിന്നര്‍ ആണ് ജോക്കോവിച്ചിന്റെ എതിരാളി. പുല്‍ക്കോര്‍ട്ടില്‍ താരത്തിന്റെ തുടര്‍ച്ചയായ 25-ാം ജയം കൂടിയായിരുന്നു ഇത്. 2018-ന് ശേഷം പുല്‍ക്കോര്‍ട്ടില്‍ താരം തോല്‍വിയറിഞ്ഞിട്ടില്ല.