നദാലിന് പരുക്ക്..... വിംബിള്‍ഡണ്‍ പുരുഷ സിംഗിള്‍സ് സെമിയില്‍ നിന്നും സ്‌പെയിനിന്റെ റാഫേല്‍ നദാല്‍ പിന്മാറി...
നദാലിന് പരുക്ക്.... വിംബിള്‍ഡണ്‍ പുരുഷ സിംഗിള്‍സ് സെമിയില്‍ നിന്നും സ്‌പെയിനിന്റെ റാഫേല്‍ നദാല്‍ പിന്മാറി... വയറിനേറ്റ പരിക്കുമൂലമാണ് നദാല്‍ പിന്മാറിയത്. മത്സരത്തിനിറങ്ങാന്‍ ഒരു പാട് ശ്രമിച്ചെങ്കിലും പരിക്ക് കൂടുതല്‍ വഷളാകുമെന്ന് വ്യക്തമാണ്. അതിനാല്‍ പിന്മാറുന്നതായും അദ്ദേഹം വാര്‍ത്താ സമ്മേളനത്തില്‍ പറഞ്ഞു.
ക്വാര്‍ട്ടറില്‍ അമേരിക്കന്‍ യുവതാരം ടെയ്ലര്‍ ഫ്രിസിനെതിരായ മത്സരത്തില്‍ പരിക്ക് വകവയ്ക്കാതെയാണ് നദാല്‍ കളിച്ചത്. മത്സരത്തിനിടെ നദാല്‍ ചികിത്സ തേടുകയും ചെയ്തിരുന്നു. പിതാവ് സെബാസ്റ്റ്യനും സഹോദരിയും, നദാലിനോടു മത്സരത്തില്‍ നിന്നു പിന്മാറാന്‍ ആവശ്യപ്പെട്ടെങ്കിലും കരുത്ത് വീണ്ടെടുത്ത സൂപ്പര്‍താരം കോര്‍ട്ടില്‍ തുടര്‍ന്നു.
മത്സരശേഷം നടത്തിയ സ്‌കാനിംഗില്‍ ചെറിയ മുറിവ് കണ്ടെത്തിയിട്ടുണ്ടായിരുന്നു. മത്സരം പൂര്‍ത്തിയാക്കാന്‍ സാധിക്കില്ലെന്നാണ് ഒരു ഘട്ടത്തില്‍ തോന്നിയതെന്ന് നദാല്‍ മത്സര ശേഷം പറഞ്ഞിട്ടുണ്ടായിരുന്നു. നാല് മണിക്കൂറും 20 മിനിറ്റും നീണ്ട പോരാട്ടത്തിനൊടുവിലായിരുന്നു നദാലിന്റെ ക്വാര്‍ട്ടര്‍ ജയം. അതും തോല്‍വിയുടെ വക്കില്‍നിന്നുള്ള ഉജ്വല തിരിച്ചുവരവിലൂടെ.
നദാല്‍ പിന്മാറിയതോടെ എതിരാളി ഓസ്‌ട്രേലിയയുടെ നിക് കിര്‍ഗ്യോസ് ഫൈനലില്‍ കടന്നു. സെര്‍ബിയയുടെ നൊവാക് ജോക്കോവിച്ച് ബ്രിട്ടന്റെ കാമറൂണ്‍ നോറി മത്സരവിജയികളാണ് നിക് കിര്‍ഗ്യോസിനെ ഫൈനലില്‍ കാത്തിരിക്കുന്നത്.
"
https://www.facebook.com/Malayalivartha
