പ്രതീക്ഷയോടെ ആരാധകര്‍.... കോമണ്‍വെല്‍ത്ത് ഗെയിംസില്‍ ഇന്ത്യയുടെ വനിത ക്രിക്കറ്റ് ടീം ഇന്ന് കളിക്കളത്തിലേക്ക്. സെമി ലക്ഷ്യമിട്ടാണ് ഇന്ത്യ ഇന്ന് എതിരാളികളെ നേരിടാനിറങ്ങുന്നത്. മത്സരത്തില്‍ ് ഇന്ത്യയുടെ എതിരാളികള്‍ ബാര്‍ബഡോസ് ആണ്. ഇന്ത്യന്‍ സമയം രാത്രി 10.30ന് എഡ്ജ്ബാസ്റ്റണിലാണ് മത്സരം നടക്കുക.

രണ്ട് ടീമിനും ഇന്ന് നിര്‍ണ്ണായക ദിനമാണ്. സെമിയില്‍ ഓസ്ട്രേലിയയ്ക്കൊപ്പം ഗ്രൂപ്പ് എയില്‍ നിന്ന് സെമിയില്‍ ഇടംപിടിക്കണമെങ്കില്‍ ഇന്ത്യയ്ക്ക് ഈ മത്സരം വിജയിക്കണം.

മഴ മൂലം മത്സരം ഉപേക്ഷിച്ചാലും ഇന്ത്യയ്ക്ക് ഗുണം ചെയ്യും. രണ്ട് ടീമുകളും ഓരോ മത്സരം വീതമാണ് ജയിച്ചിട്ടുള്ളത്. ആദ്യ മത്സരത്തില്‍ ഇന്ത്യ ഓസ്ട്രേലിയയോട് പരാജയപ്പെട്ടെങ്കിലും രണ്ടാം മത്സരത്തില്‍ പാകിസ്താനെതിരെ എട്ട് വിക്കറ്റിന്റെ വിജയം നേടി വമ്പന്‍ തിരിച്ചുവരവ് നടത്തിയിട്ടുണ്ടായിരുന്നു.

അതേസമയം ഇന്നത്തെ കളിയില്‍ ഇന്ത്യന്‍ ടീമിന്റെ പ്രകടനം ആരാധകര്‍ പ്രതീക്ഷയോടെ കാത്തിരിക്കുകയാണ്.