കോമണ്വെല്ത്ത് ഗെയിംസില് ബാഡ്മിന്റനില് മിക്സ്ഡ് ടീം ഇനത്തില് വെള്ളി മെഡല് കണ്ണൂര് സ്വദേശിക്ക്
കോമണ്വെല്ത്ത് ഗെയിംസില് ബാഡ്മിന്റനില് മിക്സ്ഡ് ടീം ഇനത്തില് വെള്ളി മെഡല് കണ്ണൂര് സ്വദേശിക്ക്. കണ്ണൂര് ചെറുപുഴ പുളിങ്ങോം സ്വദേശിനിയായ ട്രീസ ജോളി ഉള്പ്പെട്ട ടീമാണ് ഇന്ത്യയ്ക്കായി മെഡല് കരസ്ഥമാക്കിയത്.
19 വയസ്സുകാരി ട്രീസയും ദേശീയ പരിശീലകന് പുല്ലേല ഗോപിചന്ദിന്റെ മകള് ഗായത്രി ഗോപിചന്ദുമാണ് വനിതാ ഡബിള്സില് ഇന്ത്യയ്ക്കായി കളത്തിലിറങ്ങിയത്. ഇത്തവണത്തെ ഗെയിംസില് കേരളത്തിന്റെ ആദ്യ മെഡല്കൂടിയാണ് ട്രീസയുടെ വെള്ളി. ഈ വര്ഷമാദ്യം ഓള് ഇംഗ്ലണ്ട് ബാഡ്മിന്റനിന്റെ സെമിയിലെത്തി ചരിത്രം കുറിച്ച ട്രീസ ജോളി ആ നേട്ടം കൈവരിച്ച ആദ്യ മലയാളിയുമായിരുന്നു.
ഇന്നലെ പുലര്ച്ചെ അവസാനിച്ച മിക്സ്ഡ് ടീം ഫൈനലില് മലേഷ്യയോടു തോറ്റതോടെയാണ് (13) നിലവിലെ ചാംപ്യന്മാരായ ഇന്ത്യയ്ക്കു വെള്ളി മെഡലില് ഒതുങ്ങേണ്ടി വന്നത്. ആദ്യ മത്സരമായ പുരുഷ ഡബിള്സില് ചിരാഗ് ഷെട്ടി സാത്വിക് സായ്രാജ് സഖ്യം തോറ്റു. എന്നാല് പി.വി.സിന്ധുവിന്റെ സിംഗിള്സ് വിജയത്തിലൂടെ ഇന്ത്യ തിരിച്ചു വന്നു.മൂന്നാം മത്സരത്തില് കിഡംബി ശ്രീകാന്തിനെ മലേഷ്യയുടെ സി യോങ് അട്ടിമറിച്ചതാണ് നിര്ണായകമായത്.
"
https://www.facebook.com/Malayalivartha