ലോക അത്ലറ്റിക്സ് ചാമ്പ്യന്‍ഷിപ്പില്‍ ഇന്ത്യയുടെ രൂപല്‍ ചൗധരിക്ക് വെങ്കലം...
ലോക അത്ലറ്റിക്സ് ചാമ്പ്യന്‍ഷിപ്പില്‍ ഇന്ത്യയുടെ രൂപല്‍ ചൗധരിക്ക് വെങ്കലം. വനിതകളുടെ 400 മീറ്റര്‍ ഓട്ടത്തിലാണ് രൂപല്‍ മൂന്നാം സ്ഥാനത്തെത്തിയത്.
കൊളംബിയയില്‍ നടക്കുന്ന വേള്‍ഡ് അണ്ടര്‍ 20 അത്ലറ്റിക്സ് ചാമ്പ്യന്‍ഷിപ്പിലാണ് 51.85 സെക്കന്‍ഡിനുള്ളില്‍ 400 മീറ്റര്‍ ഓടിയെത്തിയ രൂപല്‍ ചൗധരി വെങ്കലം നേടിയത്. ബ്രിട്ടണിന്റെ മേരി ജോണ്‍ ആണ് 400 മീറ്റര്‍ ഓട്ടത്തില്‍ സ്വര്‍ണം നേടിയത്.
കെനിയയുടെ ദമറിസ് മുതുംഗ വെള്ളിയും നേടി. നേരത്തെ 4*400 മീറ്റര്‍ മിക്സഡ് റിലേയില്‍ ഇന്ത്യ വെള്ളി നേടിയിരുന്നു. ഏഷ്യന്‍ റെക്കോര്‍ഡ് തിരുത്തിഇന്ത്യന്‍ താരങ്ങള്‍ നേട്ടം സ്വന്തമാക്കി.
കേന്ദ്രമന്ത്രിമാരായ ഹര്‍ദീപ് സിംഗ് പുരി, കിരണ്‍ റിജിജു, പ്രഹ്ളാദ് ജോഷി എന്നിവരും മുഖ്യമന്ത്രി ശിവരാജ് സിംഗ് ചൗഹാനും രൂപല്‍ ചൗധരിയുട നേട്ടത്തില്‍ അഭിനന്ദനമറിയിച്ചു.അണ്ടര്‍ 20 ലോക അത്ലറ്റിക്സ് ചാമ്പ്യന്‍ഷിപ്പില്‍ നിലവില്‍ അമേരിക്കയാണ് ഒന്നാം സ്ഥാനത്തുള്ളത്.
അഞ്ച് സ്വര്‍ണവും രണ്ട് വെള്ളിയും മൂന്ന് വെങ്കലുമാണ് അമേരിക്ക സ്വന്തമാക്കിയിട്ടുള്ളത്. രണ്ടാം സ്ഥാനത്ത് കെനിയയും മൂന്നാം സ്ഥാനത്ത് ദക്ഷിണാഫ്രിക്കയുമാണ്. ഇന്ത്യ 17-ാം സ്ഥാനത്താണ്.
"
https://www.facebook.com/Malayalivartha
