കോമണ്വെല്ത്ത് ഗെയിംസില് ഗുസ്തിയില് നിന്ന് ഇന്ത്യയ്ക്ക് ഇന്നലെ കിട്ടിയത് മൂന്ന് സ്വര്ണം
കോമണ്വെല്ത്ത് ഗെയിംസില് ഗുസ്തിയില് നിന്ന് ഇന്ത്യയ്ക്ക് ഇന്നലെ കിട്ടിയത് മൂന്ന് സ്വര്ണം. പുരുഷന്മാരുടെ ഫ്രീസ്റ്റൈലില് 57 കിലോ വിഭാഗത്തില് രവി കുമാര് ദഹിയ, 74 കിലോയില് നവീന്, വനിതകളുടെ 53കിലോയില് വിനേഷ് ഫോഗട്ട് എന്നിവരാണ് ഇന്ത്യയുടെ മെഡല് അക്കൗണ്ടില് ഇന്നലെ സ്വര്ണം എത്തിച്ചത്.
വനിതകളുടെ ഫ്രീസ്റ്റൈല് 50 കിലോ വിഭാഗത്തില് പൂജ ഗെഹലോട്ട് , 76കിലോയില് പൂജ സിഹാഗ്, പുരുഷന്മാരുടെ 97കിലോയില് ദീപക്ക് നെഹ്റ എന്നിവര് വെങ്കലം നേടി.
പുരുഷന്മാരുടെ 3000 മീറ്റര് സ്റ്റീപ്പിള്ചേസില് അവിനാഷ് സാബ്ലെയും ലോണ് ബാള് മെന്സ് ഫോര്സ് ടീമും വെള്ളിയണിഞ്ഞു.
വനിതകളുടെ 10,000 മീറ്റര് നടത്തത്തില് പ്രിയങ്ക ഗോസ്വാമി വെള്ളി നേടി. കോമണ്വെല്ത്ത് ഗെയിംസില് നടത്തത്തില് മെഡല് നേടുന്ന ആദ്യ ഇന്ത്യന് വനിതയാണ് പ്രിയങ്ക. ബോക്സിംഗില് ജാസ്മിനും ഹുസ്സാമുദ്ദീനും വെങ്കലം കരസ്ഥമാക്കി.
"
https://www.facebook.com/Malayalivartha