ചെസ് ഒളിമ്പ്യാഡില് വിജയതിളക്കവുമായി ഇന്ത്യ.... നിഹാല് ഇന്ത്യയ്ക്ക് സമ്മാനിച്ചത് ചരിത്രമെഡല്
ചെസ് ഒളിമ്പ്യാഡില് വിജയതിളക്കവുമായി ഇന്ത്യ.... നിഹാല് ഇന്ത്യയ്ക്ക് സമ്മാനിച്ചത് ചരിത്രമെഡല്. ഇരട്ടവെങ്കലും രണ്ട് വ്യക്തിഗത ചാമ്പ്യന്മാരടക്കം ഏഴു മെഡലുകളുമായാണ് ഇന്ത്യ ചെസ് ഒളിമ്പ്യാഡില് കരുനീക്കം അവസാനിപ്പിച്ചത്.
ഇരട്ടമെഡല് നേട്ടം ചെസ് ഒളിമ്പ്യാഡില് ഇന്ത്യയുടെ മികച്ച പ്രകടനമാണ്. ഇതിനുമുമ്പ് ഓണ്ലൈനായി നടന്ന ചെസ് ഒളിമ്പ്യാഡുകളിലാണ് സ്വര്ണവും വെങ്കലും നേടിയിട്ടുള്ളത്.ഓപ്പണ് വിഭാഗത്തില് ഇന്ത്യ വെങ്കലം നേടുമ്പോള് കരുത്തായത് മലയാളി താരം നിഹാലിന്റെ ജയം.
അവസാനറൗണ്ടില് ജര്മനിയെ 3-1ന് തോല്പ്പിച്ചാണ് ഇന്ത്യ-രണ്ട് ടീം മെഡല് നേടിയത്. പ്രഗ്നാനന്ദ, റാസ്മസ് സ്വാനെയെ സമനിലയില് തളച്ചപ്പോള് റൗണക് സധ്വാനി ജര്മനിയുടെ നിസിപ്പെനുവിനെതിരേ ജയംനേടി.
മികച്ച ഫോമിലുള്ള ഗുകേഷ് സമനിലയില് കുരുങ്ങിയതോടെ നിഹാലിന്റെ ഫലം നിര്ണായകമായി. മത്തിയാസ് ബ്ലുബോമിനെ കീഴടക്കി നിഹാല് ഇന്ത്യക്ക് ചരിത്രമെഡല് സമ്മാനിച്ചു. 18 പോയന്റുമായാണ് ഇന്ത്യ മെഡല് നേടുന്നത്. സ്വര്ണം നേടിയ ഉസ്ബെക്കിസ്താനും വെള്ളിനേടിയ അര്മേനിയയ്ക്കും 19 പോയന്റ് വീതമാണ്. എന്നാല്, ടൈബ്രേക്ക് പോയന്റ് ഉസ്ബെക്കിന് അനുകൂലമായി. അപരാജിതരായാണ് ഉസ്ബെക്ക് ടീം ഒന്നാമതെത്തിയത്. അവസാനറൗണ്ടില് സ്പെയിനിനെ കീഴടക്കി (2.51.5). 2026 ചെസ് ഒളിമ്പ്യാഡ് ഉസ്ബെക്കിസ്താനില് നടക്കും.
വനിതാ വിഭാഗത്തില് സുവര്ണപ്രതീക്ഷയുമായി അവസാന മത്സരത്തിനിറങ്ങിയ ഇന്ത്യ യു.എസിനോട് കീഴടങ്ങി (31). കൊനേരു ഹംപിയും വൈശാലിയും സമനിലനേടിയപ്പോള് താനിയ സച്ച്ദേവും ഭക്തി കുല്ക്കര്ണിയും എതിരാളികളോട് തോറ്റു. 17 പോയന്റുമായാണ് ഇന്ത്യ വെങ്കലം നേടിയത്. യു.എസിനും കസാഖിസ്താനും ഇതേ പോയന്റുണ്ടെങ്കിലും ടൈബ്രേക്ക് പോയന്റ് ഇന്ത്യക്ക് തുണയായി.
"
https://www.facebook.com/Malayalivartha