ഇടത്തേ കാലിനേറ്റ പരിക്ക് ലോകചാമ്പ്യന്‍ഷിപ്പില്‍ നിന്ന് സിന്ധു പിന്മാറി...സിന്ധു തന്നെയാണ് ഇക്കാര്യം സമൂഹമാധ്യമങ്ങളിലൂടെ അറിയിച്ചത്.... കുറച്ച് ആഴ്ചകള്‍ വിശ്രമം വേണമെന്ന് ഡോക്ടര്‍ പറഞ്ഞിട്ടുണ്ട്. പെട്ടെന്നുതന്നെ കോര്‍ട്ടിലേക്ക് മടങ്ങിയെത്താമെന്ന് പ്രതീക്ഷിക്കുന്നത്തായി സിന്ധു...
രാജ്യത്തിന്റെ അഭിമാനത്തെ ഇനി അല്പം വിശ്രമം.സിന്ധു തന്നെയാണ് ഇക്കാര്യം സമൂഹമാധ്യമങ്ങളിലൂടെ അറിയിച്ചത്. ' കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് വേണ്ടി സ്വര്‍ണമെഡല്‍ നേടാനായി. നിര്‍ഭാഗ്യവശാല്‍ ലോകചാമ്പ്യന്‍ഷിപ്പില്‍ നിന്ന് ഞാന്‍ പിന്മാറുകയാണ്. കോമണ്‍വെല്‍ത്ത് ഗെയിംസില്‍ ക്വാര്‍ട്ടര്‍ ഫൈനല്‍ കളിക്കുമ്പോള്‍ എനിക്ക് കാലില്‍ വേദന അനുഭവപ്പെട്ടു.
പരിശീലകന്റെയും ഫിസിയോയുടെയും ട്രെയിനറുടെയും സഹായത്തോടെയാണ് ടൂര്‍ണമെന്റ് പൂര്‍ത്തീകരിച്ചത്. ഫൈനലിനുശേഷം സഹിക്കാനാവാത്ത വേദന അനുഭവപ്പെട്ടു. ഇടത്തേകാലിന് പരിക്കുണ്ട്. കുറച്ച് ആഴ്ചകള്‍ വിശ്രമം വേണമെന്ന് ഡോക്ടര്‍ പറഞ്ഞിട്ടുണ്ട്. പെട്ടെന്നുതന്നെ കോര്‍ട്ടിലേക്ക് മടങ്ങിയെത്താമെന്ന് പ്രതീക്ഷിക്കുന്നു' സിന്ധു കുറിച്ചു.27 കാരിയായ സിന്ധു ഈയിടെ അവസാനിച്ച കോമണ്‍വെല്‍ത്ത് ഗെയിംസില്‍ സിംഗിള്‍സ് വിഭാഗത്തില്‍ സ്വര്‍ണവും ടീം ഇനത്തില്‍ വെള്ളിയും സ്വന്തമാക്കിയിരുന്നു
ലോകചാമ്പ്യന്‍ഷിപ്പില്‍ മികച്ച റെക്കോഡുള്ള താരമാണ് സിന്ധു. 2019-ലെ ചാമ്പ്യന്‍ഷിപ്പില്‍ കിരീടം നേടിയ സിന്ധു രണ്ട് തവണ വീതം വെള്ളിയും വെങ്കലവും നേടിയിട്ടുണ്ട്. ഇത്തവണ ജപ്പാനിലെ ടോക്യോയിലാണ് ചാമ്പ്യന്‍ഷിപ്പ് നടക്കുന്നത്. ഓഗസ്റ്റ് 21 മുതല്‍ 28 വരെയാണ് ടൂര്‍ണമെന്റ്.
https://www.facebook.com/Malayalivartha
