ഏഷ്യന്‍ അണ്ടര്‍ 20 പുരുഷ വോളിബോള്‍ ചാമ്പ്യന്‍ഷിപ്പില്‍ ഇന്ത്യക്ക് വെള്ളി. ഫൈനലില്‍ കരുത്തരായ ഇറാനോട് ഒന്നിനെതിരെ മൂന്ന് സെറ്റുകള്‍ക്ക് കീഴടങ്ങി.

സ്‌കോര്‍: 12--25, 19-25, 25-22, 15-25. ഇരുപത് വര്‍ഷത്തിനുശേഷം ആദ്യമായാണ് കിരീടപ്പോരാട്ടത്തിന് ഇറങ്ങിയത്. മൂന്നാം ഫൈനലായിരുന്നു. 1994ലും 2002ലും തോറ്റു.

ടൂര്‍ണമെന്റിന്റെ ചരിത്രത്തില്‍ ആറ് മെഡലുകളുണ്ട് ഇന്ത്യക്ക്. മൂന്ന് വെള്ളി കൂടാതെ മൂന്ന് വെങ്കലവുമുണ്ട്. 1980ലായിരുന്നു ആദ്യ വെങ്കലനേട്ടം. ടീം മാനേജരായ പ്രൊഫ. നാലകത്ത് ബഷീറാണ് ഏകമലയാളി സാന്നിധ്യം.