ഓസീസിനെതിരെ നേടുന്ന ആദ്യ ചരിത്രജയം.... ഓസ്ട്രേലിയക്കെതിരെ അട്ടിമറി വിജയവുമായി സിംബാബ് വെ
ഓസീസിനെതിരെ നേടുന്ന ആദ്യ ചരിത്രജയം.... ഓസ്ട്രേലിയക്കെതിരെ അട്ടിമറി വിജയവുമായി സിംബാബ്വെ. പരമ്പരയിലെ അവസാന ഏകദിനത്തിലാണ് ഓസ്ട്രേലിയന്‍ മണ്ണില്‍ ഓസീസിനെതിരെ ചരിത്ര വിജയം സിംബാബ്വെ സ്വന്തമാക്കിയത്.
142 റണ്‍സ് ലക്ഷ്യവുമായി ഇറങ്ങിയ സിംബാബ്വെ റെഗിസ് ചകാബ്വയുടെ മികവില്‍ മൂന്ന് വിക്കറ്റ് ബാക്കി നില്‍കെ വിജയിക്കുകയായിരുന്നു.
പുറത്താവാതെ 37 റണ്‍സെടുത്ത ക്യാപ്റ്റന്‍ ചകാബ്വയ്ക്ക് പുറമേ ഓപ്പണര്‍മാരായ തകുസ്വനാഷെ കെറ്റാനോ (19) തദിവനാഷെ മറുമാനി (35) മികച്ച പ്രകടനം നടത്തി. നേരത്തെ ടോസ് നഷ്ടപ്പെട്ട് ബാറ്റിംഗിനിറങ്ങിയ ഓസ്ട്രേലിയ 141 റണ്‍സിന് പുറത്തായിരുന്നു.
ഡേവിഡ് വാര്‍ണറായിരുന്നു (94) ഓസീസിന്റെ ടോപ് സ്‌കോറര്‍.വാര്‍ണറിനെ കൂടാതെ മാക്സ്വെല്ലിന് മാത്രമാണ് ഓസീസ് നിരയില്‍ രണ്ടക്കം കടക്കാന്‍ സാധിച്ചത്. അഞ്ച് വിക്കറ്റ് നേടിയ കളിയിലെ താരമായ റ്യാന്‍ ബേളാണ് ഓസീസിനെ തകര്‍ത്തത്.
https://www.facebook.com/Malayalivartha
