യുഎസ് ഓപ്പണ്‍ പുരുഷ ഡബിള്‍സ് കിരീടത്തില്‍ വീണ്ടും മുത്തമിട്ട് ഇന്ത്യന്‍ വംശജനായ യുഎസ് താരം രാജീവ് റാമും ബ്രിട്ടീഷ് താരമായ ജോ സാലിസ്ബറിയും. ഫൈനലില്‍ ഡച്ച്-ബ്രിട്ടീഷ് സഖ്യമായ വെസ്ലി-നീല്‍ എന്നിവരെയാണ് ഇരുവരും കീഴടക്കിയത്. സ്‌കോര്‍: 7-6, 7-5.

രാജീവ് റാം-സാലിസ്ബറി സഖ്യത്തിന്റെ തുടര്‍ച്ചയായ രണ്ടാം യുഎസ് ഓപ്പണ്‍ ഡബിള്‍സ് കിരീടമാണിത്. 1996 നു ശേഷം ഇത് ആദ്യമായാണ് പുരുഷ ഡബിള്‍സ് കിരീടം ഒരു ടീം നിലനിര്‍ത്തുന്നത്.

കരിയറിലെ മൂന്നാം ഗ്രാന്‍ഡ്‌സ്ലാം കിരീടം ആണ് രാജീവ് റാം-ജോ സാലിസ്ബറി സഖ്യം നേടിയെടുത്തത്.