ആശങ്കയുടെ മുള്മുനയില് ആരാധകര്... യുവേഫ നേഷന്സ് ലീഗ് പോരാട്ടത്തില് ചെക്ക് റിപ്പബ്ലിക്കുമായുള്ള പോരാട്ടത്തിനിടെ സൂപ്പര് താരം ക്രിസ്റ്റ്യാനോ റൊണാള്ഡോയ്ക്ക് പരുക്ക്
ആശങ്കയുടെ മുള്മുനയില് ആരാധകര്... യുവേഫ നേഷന്സ് ലീഗ് പോരാട്ടത്തില് ചെക്ക് റിപ്പബ്ലിക്കുമായുള്ള പോരാട്ടത്തിനിടെ സൂപ്പര് താരം ക്രിസ്റ്റ്യാനോ റൊണാള്ഡോയ്ക്ക് പരുക്ക്.
ചെക്ക് ഗോള്കീപ്പര് തോമസ് വാക്ലിക്കുമായി കൂട്ടിയിടിച്ച് മൂക്കില് പരിക്കേല്ക്കുകയായിരുന്നു. മൂക്കില്നിന്ന് രക്തം മുഖത്തിലൂടെ ഒഴുകിയതോടെ ആരാധകര് ആശങ്കയുടെ മുള്മുനയിലായി. 13-ാം മിനിറ്റിലായിരുന്നു സംഭവം. ചെക്ക് പ്രതിരോധത്തെ മറികടന്ന് ഉയര്ന്നുചാടി പന്ത് വലയിലാക്കാനുള്ള ശ്രമത്തിലായിരുന്നു ക്രിസ്റ്റ്യാനോ. ഇത് പ്രതിരോധിക്കാനായി വാക്ലിക്കും ഉയര്ന്നുചാടി. പന്ത് തട്ടിയകറ്റാനുള്ള ഗോള്കീപ്പറുടെ ശ്രമം പാളി ക്രിസ്റ്റ്യാനോയുടെ മൂക്കിലാണ് ഇടിച്ചത്.
രക്തം വാര്ന്ന് താരം ഗ്രൗണ്ടില് കിടന്നു. സംഭവത്തെ തുടര്ന്ന് മത്സരം അല്പനേരം നിര്ത്തിവച്ചു. ശേഷം പുനരാരംഭിച്ച മത്സരത്തില് പരുക്ക് വകവെക്കാതെ മുഴുവന് സമയവും ക്രിസ്റ്റ്യാനോ കളിക്കുകയും ചെയ്തു.നേഷന്സ് ലീഗ് 'എ' ഗ്രൂപ്പിലായിരുന്നു പോര്ച്ചുഗല്-ചെക്ക് പോരാട്ടം. ചെക്കിനെ പോര്ച്ചുഗല് എതിരില്ലാത്ത നാല് ഗോളിന് തകര്ത്തെറിഞ്ഞെങ്കിലും സൂപ്പര് താരത്തിന് ലക്ഷ്യം കാണാനായില്ല.
എന്നാല്, 82ാം മിനിറ്റില് ജോട്ട നേടിയ ഗോളിന് വഴിയൊരുക്കാനായി. ഡിയോഗോ ഡാലോട്ട് ഇരട്ടഗോള് നേടിയപ്പോള് ബ്രൂണോ ഫെര്ണാണ്ടസ്, ഡിയോഗോ ജോട്ട എന്നിവര് ഓരോ തവണ പന്ത് വലയിലെത്തിച്ചു.
"
https://www.facebook.com/Malayalivartha