ചരിത്രത്തില്‍ ആദ്യമായി യൂറോപ്പ് ടീമിനെ തകര്‍ത്ത് ടീം വേള്‍ഡ് ലേവര്‍ കപ്പ് ജേതാക്കള്‍. സ്റ്റെഫാനോസ് സിസിപാസിനെതിരായ ഫ്രാന്‍സിസ് തിയാഫോയുടെ ജയത്തോടെ 13-8 എന്ന സ്‌കോര്‍ നിലയില്‍ ടീം വേള്‍ഡ് കിരീടം സ്വന്തമാക്കി.


16, 76, 108 എന്ന സ്‌കോര്‍ നിലയില്‍ വാശിയേറിയ മത്സരത്തിനൊടുവിലാണ് തിയാഫോ ജയം സ്വന്തമാക്കിയത്. ആദ്യ സെറ്റില്‍ ഒരു ഗെയിം മാത്രം നഷ്ടമാക്കി തന്നെ നിഷ്പ്രഭനാക്കിയ സിസിപാസിനെതിരെ കടുത്ത പോരാട്ടം നടത്തിയ തിയാഫോ ടൈബ്രേക്കറിലാണ് രണ്ടാം സെറ്റ് നേടിയത്.

മൂന്നാം സെറ്റിലെ ജീവന്മരണ പോരാട്ടത്തില്‍ ജയം സ്വന്തമാക്കി ടൂര്‍ണമെന്റ് നിര്‍ണായകമായ അവസാന സിംഗിള്‍സ് മത്സരത്തിലേക്ക് ദീര്‍ഘിപ്പിക്കാന്‍ സിസിപാസിന് സാധിക്കാതെ വന്നതോടെ ലേവര്‍ കപ്പിന്റെ എട്ട് എഡിഷനുകളിലേയും തോല്‍വിയുടെ കറ ടീം വേള്‍ഡ് മായ്ച്ചുകളഞ്ഞു.

48 എന്ന നിലയില്‍ അവസാന ദിനം കളി ആരംഭിച്ച ടീം വേള്‍ഡ്, സിംഗിള്‍സില്‍ ഫെലിക്‌സ് ഓഗര്‍ അലിയാസിം ടീം യുറോപ്പിന്റെ നൊവാക് ജോക്കോവിച്ചിനെതിരെ നേടിയ ജയത്തോടെയും(63, 76) ഡബിള്‍സില്‍ ആന്‍ഡി മറെ-മറ്റേയോ ബറേറ്റിനി സഖ്യത്തോട് ജാക്ക് സോക്ക്-അലിയാസിം സഖ്യം നേടിയ 2-6, 6-3, 10-8 ജയത്തോടെയുമാണ് ലീഡെടുത്തത്.