36-ാമത് ദേശീയ ഗെയിംസില്‍ കേരളത്തിന് ആശ്വാസം.... സ്വര്‍ണത്തിലേക്ക് പറന്നിറങ്ങിയ നയന ജയിംസ്, വീണ്ടും സ്വര്‍ണവുമായി തുഴച്ചില്‍ സംഘം
36-ാമത് ദേശീയ ഗെയിംസില്‍ കേരളത്തിന് ആശ്വാസം.... സ്വര്‍ണത്തിലേക്ക് പറന്നിറങ്ങിയ നയന ജയിംസ്, വീണ്ടും സ്വര്‍ണവുമായി തുഴച്ചില്‍ സംഘം.
ബാഡ്മിന്റണിലും ബാസ്‌കറ്റ്‌ബോളിലും ഫെന്‍സിങ്ങിലും വെള്ളി, ട്രാക്കില്‍ ഹെപ്റ്റാത്തലണില്‍ മെറീന ജോര്‍ജിന്റെ വെള്ളിയും ലോങ്ജമ്പില്‍ എല്‍ ശ്രുതിലക്ഷ്മി വെങ്കലവും.
രണ്ട് സ്വര്‍ണവും നാല് വെള്ളിയും ഒരു വെങ്കലവും അടക്കം ഏഴ് മെഡല്‍ ഇന്നലെ കേരളം നേടി. ഇതുവരെ ഒമ്പത് സ്വര്‍ണവും 11 വെള്ളിയും ആറ് വെങ്കലവുമായി 26 മെഡല്‍ കേരളം സ്വന്തമാക്കി.
അത്-ലറ്റിക്‌സില്‍ ഒന്നുവീതം സ്വര്‍ണവും വെള്ളിയും വെങ്കലവും നേടി. ലോങ്ജമ്പില്‍ 6.33 മീറ്റര്‍ ചാടിയാണ് നയന ജയിംസ് സ്വര്‍ണം നേടിയത്. ഫെഡറേഷന്‍ കപ്പില്‍ 6.47 ചാടി സ്വര്‍ണം നേടിയിരുന്നു. പി ബി ജയകുമാറാണ് പരിശീലകന്‍.
ചെന്നൈയില്‍ ആദായനികുതിവകുപ്പില്‍ ഇന്‍സ്‌പെകടറാണ് നയന. 6.24 മീറ്റര്‍ ചാടിയാണ് കേരളത്തിന്റെ ശ്രുതിലക്ഷ്മി വെങ്കലം നേടിയത്.
https://www.facebook.com/Malayalivartha
