ട്വന്റി 20 ലോകകപ്പിനൊരുങ്ങുന്ന ഇന്ത്യന് ടീമിന് തിരിച്ചടിയായി പേസര് ജസ്പ്രീത് ബുംറ ലോകകപ്പ് ടീമില് നിന്ന് പുറത്ത്
ട്വന്റി 20 ലോകകപ്പിനൊരുങ്ങുന്ന ഇന്ത്യന് ടീമിന് തിരിച്ചടിയായി പേസര് ജസ്പ്രീത് ബുംറ ലോകകപ്പ് ടീമില് നിന്ന് പുറത്ത്. പുറം ഭാഗത്തേറ്റ പരിക്കിനെ തുടര്ന്നാണിത്. ഇന്നലെ വാര്ത്താക്കുറിപ്പിലൂടെ ബിസിസിഐ ആണ് ഇക്കാര്യം സ്ഥിരീകരിച്ചത്.
ബിസിസിഐ മെഡിക്കല് സംഘത്തിന്റെ പരിശോധനയ്ക്ക് ശേഷം വിദഗ്ധരുമായി വിശദമായ കൂടിയാലോചനകള്ക്ക് ശേഷമാണ് തീരുമാനം.
ബുംറയ്ക്ക് പകരക്കാരനെ ഉടന് പ്രഖ്യാപിക്കുമെന്നും ബിസിസിഐ വാര്ത്താക്കുറിപ്പില് വ്യക്തമാക്കി. നേരത്തെ ദക്ഷിണാഫ്രിക്കയ്ക്കെതിരായ ആദ്യ ട്വന്റി 20 മത്സരത്തിന് മുന്പായി നടത്തിയ പരിശീലനത്തിനിടെ പുറംവേദന അനുഭവപ്പെട്ടതിനെത്തുടര്ന്ന് ബുംറ മത്സരത്തില് നിന്ന് പിന്മാറിയിരുന്നു.
മാത്രമല്ല ദക്ഷിണാഫ്രിക്കയ്ക്കെതിരായ ട്വന്റി 20 പരമ്പരയില് നിന്ന് ബുംറയെ മാറ്റിനിര്ത്തുകയും ചെയ്തു. ബുംറയ്ക്ക് പകരം മുഹമ്മദ് സിറാജിനെ ടീമിലെടുക്കുകയും ചെയ്തിരുന്നു. നേരത്തെ ഇന്ത്യയുടെ ഇംഗ്ലണ്ട് പര്യടനത്തില് കളിച്ച ശേഷം വിശ്രമത്തിലായിരുന്നു ബുംറ. പിന്നീട് ഓസ്ട്രേലിയക്കെതിരേ നടന്ന ട്വന്റി 20 പരമ്പരയിലാണ് ടീമിലേക്ക് തിരിച്ചെത്തിയത്.
https://www.facebook.com/Malayalivartha