ദേശീയ ഗെയിംസിലെ സ്വര്‍ണസമ്പാദ്യം അഞ്ചായി... നീന്തലില്‍ അഞ്ചാം സ്വര്‍ണം നേടി കേരളത്തിന്റെ സ്വന്തം ഒളിമ്പ്യന്‍ സജന്‍ പ്രകാശ്.
വെള്ളിയാഴ്ച മാത്രം രണ്ടു സ്വര്‍ണംകൂടി നേടി താരം.400 മീറ്റര്‍ ഫ്രീസ്‌റ്റൈലിലും 200 മീറ്റര്‍ മെഡ് ലേയിലുമാണ് ഒന്നാമനായത്. ഇതോടെ ഇത്തവണത്തെ ദേശീയ ഗെയിംസിലെ സ്വര്‍ണസമ്പാദ്യം അഞ്ചായി. രണ്ടു വെള്ളിയും ഒരു വെങ്കലവും കഴിഞ്ഞ ദിവസങ്ങളില്‍ നേടിയിട്ടുണ്ട്.

2015ല്‍ റിലേയിലെ ഒന്നടക്കം ആറു സ്വര്‍ണവും മൂന്നു വെള്ളിയുമാണ് സജന്‍ നീന്തിയെടുത്തത്. 100 മീ. ബട്ടര്‍ഫ്‌ലൈ, 200 മീ. ബട്ടര്‍ഫ്‌ലൈ സ്‌ട്രോക്ക്, 50 മീറ്റര്‍ ബട്ടര്‍ഫ്‌ലൈ സ്വര്‍ണ മെഡലുകളും 200 മീറ്റര്‍ ഫ്രീസ്റ്റെല്‍, 400 മീറ്റര്‍ മെഡ് ലെ വെള്ളിയും 800 മീ. ഫ്രീസ്‌റ്റൈല്‍ വെങ്കലവുമാണ് ഇത്തവണത്തെ മറ്റു നേട്ടങ്ങള്‍.


മിന്നും പ്രകടനത്തോടെ ഇക്കുറിയും സജന്‍ വ്യക്തിഗത ചാമ്പ്യനാവുമെന്നുറപ്പായി. ഒരു മത്സരംകൂടി ബാക്കിയുണ്ട്. മെഡല്‍പട്ടികയില്‍ കേരളത്തെ ഏഴാം സ്ഥാനത്തേക്ക് ഉയര്‍ത്താനും സജനായി.

നിലവില്‍ 15 വീതം സ്വര്‍ണവും വെള്ളിയും 11 വെങ്കലവുമാണുള്ളത്. 42 സ്വര്‍ണമടക്കം 100 മെഡലുമായി സര്‍വിസസ് ഒന്നാംസ്ഥാനത്ത് ബഹുദൂരം മുന്നിലാണ്.
അതേസമയം പുരുഷ വാട്ടര്‍ പോളോയില്‍ കേരളം ഫൈനലില്‍ പ്രവേശിച്ചു. സെമി ഫൈനലില്‍ ബംഗാളിനെ 9-7നാണ് തോല്‍പിച്ചത്. ഫൈനല്‍ മത്സരം ശനിയാഴ്ച നടക്കും.