സ്പാനിഷ് ലാ ലിഗയില് വിജയകുതിപ്പ് തുടര്ന്ന് റയല് മാഡ്രിഡ്
സ്പാനിഷ് ലാ ലിഗയില് വിജയകുതിപ്പ് തുടര്ന്ന് റയല് മാഡ്രിഡ്. എല്ചെയെ എതിരില്ലാത്തെ മൂന്നു ഗോളിനാണ് റയല് തോല്പിച്ചത്. ഫെഡ്രികോ വല്വര്ദെ (11), കരീം ബെന്സേമ (75), മാര്ക്കോ അസെന്സിയോ (89) എന്നിവരാണ് ഗോള് നേടിയത്. ഇതോടെ പോയിന്റ് പട്ടികയില് ഒന്നാമതുള്ള റയല് ലീഡ് ഉയര്ത്തി.
10 മത്സരങ്ങളില്നിന്നായി ഒമ്പത് ജയവും ഒരു സമനിലയുമായി 28 പോയിന്റാണുള്ളത്. രണ്ടാമതുള്ള ബാഴ്സലോണക്ക് ഒമ്പതു മത്സരങ്ങളില്നിന്നായി ഏഴു ജയവും ഒരു സമനിലയും ഒരു തോല്വിയുമടക്കം 22 പോയിന്റാണുള്ളത്. മത്സരത്തിന്റെ ആറാം മിനിറ്റില് ബെന്സേമ ഗോളടിച്ചെങ്കിലും റഫറി ഓഫ്സൈഡ് വിളിച്ചു. 11ാം മിനിറ്റില് വല്വര്ദെക്ക് ബോസ്കിനു പുറത്തുനിന്നു ലഭിച്ച പന്ത് കിടിലന് ഷോട്ടിലൂടെ എതിരാളികളുടെ വലയിലെത്തിച്ചു.
ആദ്യ പകുതിയില് ലീഡ് ഉയര്ത്താനുള്ള മികച്ച അവസരങ്ങള് ലഭിച്ചെങ്കിലും റയലിന് മുതലെടുക്കാനായില്ല. 75ാം മിനിറ്റില് റോഡ്രിഗോ നല്കിയ മികച്ചൊരു പാസ് ബെന്സേമ ഗോളാക്കി.മൂന്നാമത്തെ ഗോളിന് വഴിയൊരുക്കിയതും റോഡ്രിഗോ തന്നെ.
89ാം മിനിറ്റില് താരം ഇടതുവിങ്ങില്നിന്ന് ബോക്സിനുള്ളിലേക്ക് നല്കിയ പന്ത് അസെന്സിയോ മനോഹരമായി ലക്ഷ്യത്തിലെത്തിച്ചു. കഴിഞ്ഞദിവസം നടന്ന എല്ക്ലാസിക്കോയില് ബാഴ്സലോണയെ 3-1ന് റയല് കീഴടക്കി്.
"
https://www.facebook.com/Malayalivartha