യുവേഫ ചാമ്പ്യന്സ് ലീഗില് നിന്ന് സ്പാനിഷ് വമ്പന്മാരായ ബാഴ്സലോണ പുറത്ത്
യുവേഫ ചാമ്പ്യന്സ് ലീഗില് നിന്ന് സ്പാനിഷ് വമ്പന്മാരായ ബാഴ്സലോണ പുറത്തായി. ഇറ്റാലിയന് ക്ലബ് ഇന്റര് മിലാന് വിക്ടോറിയ പ്ലാസനെ തോല്പ്പിച്ച് ബയോണിനൊപ്പം നോക്കൗട്ട് ഘട്ടത്തിലേക്ക് കയറിയതോടെയാണ് ബാഴ്സയ്ക്ക് പുറത്തേക്കുള്ള വഴി തുറന്നത്.
എതിരില്ലാത്ത നാല് ഗോളിനാണ് ഇന്റര് മിലാന് വിക്ടോറിയ പ്ലാസനെ തോല്പ്പിച്ചത്. ഈ മത്സരത്തില് ഇന്റര് മിലാന് വിജയിച്ചതോടെ ഗ്രൂപ്പ് ഘട്ടം കടക്കാതെ കറ്റാലന്മാര് പുറത്തായി.
ഇതോടെ അപ്രസക്ത മത്സരത്തില് ആശ്വാസ ജയം തേടിയാണ് ബാഴ്സ ക്യാംപ്നൗവില് ബയേണിനെതിരെ ഇറങ്ങിയത്. എന്നാല് ബയേണിനോട് മൂന്ന് ഗോളുകള്ക്ക് പരാജയപ്പെട്ടത് ബാഴ്സക്ക് ഇരട്ടപ്രഹരമായി മാറി.
ഗ്രൂപ്പ് സിയില് അഞ്ച് മത്സരങ്ങളില് 15 പോയിന്റുമായി ബയേണ് ആണ് മുന്നില്. രണ്ടാമതുള്ള ഇന്റര് മിലാന് 10 പോയിന്റുകളാണുള്ളത്. മൂന്നാമതുള്ള ബാഴ്സയ്ക്ക് വെറും നാല് പോയിന്റാണുള്ളത്.
"
https://www.facebook.com/Malayalivartha