ഗാലറികളില്‍ ആവേശത്തിരയൊഴുക്ക്..... കേരള ബ്ലാസ്റ്റേഴ്‌സ്- മുംബൈ സിറ്റി ഐ.എസ്.എല്‍ ഫുട്ബാള്‍ മത്സരത്തിന് ആവേശം പകര്‍ന്ന് ആദിവാസി ഫുട്ബാള്‍ താരങ്ങള്‍
ഗാലറികളില്‍ ആവേശത്തിരയൊഴുക്ക്..... കേരള ബ്ലാസ്റ്റേഴ്‌സ്- മുംബൈ സിറ്റി ഐ.എസ്.എല്‍ ഫുട്ബാള്‍ മത്സരത്തിന് ആവേശം പകര്‍ന്ന് ആദിവാസി ഫുട്ബാള്‍ താരങ്ങള്‍.
ജഴ്‌സി അണിഞ്ഞ് ബാനറുമായെത്തിയ അവര്‍ ഗാലറികളില്‍ ആവേശത്തിരയൊഴുക്കി. കാല്‍പന്തുകളി താരങ്ങളായ നൂറ് ആദിവാസി കുട്ടികള്‍ ഒമ്പത് ടീമുകളിലെ കളിക്കാരാണ്. അതില്‍ ആറ് ടീം ആണ്‍കുട്ടികളുടേതും മൂന്ന് ടീം പെണ്‍കുട്ടികളുടേതും. ജില്ല ടീം താരങ്ങള്‍ മുതല്‍ സംസ്ഥാന ടീമില്‍ സെലക്ഷന്‍ കിട്ടിയവരടക്കമുണ്ട് ടീമില്‍. കാസര്‍കോട്, നിലമ്പൂര്‍, പത്തനംതിട്ട, കണ്ണൂര്‍, അട്ടപ്പാടി, ഇടുക്കി, എറണാകുളം എന്നിവിടങ്ങളില്‍നിന്നാണ് ആദിവാസി കുട്ടികള്‍ കൊച്ചിയിലെത്തിയത്. കലൂര്‍ ജവഹര്‍ലാല്‍ നെഹ്‌റു മെട്രോ സ്റ്റേഷനില്‍നിന്ന് ഒരുമിച്ചാണ് ഇവര്‍ സ്റ്റേഡിയത്തിലേക്കെത്തിയത്.
ഐ.എസ്.എല്‍ താരങ്ങളെ ഗ്രൗണ്ടിലേക്ക് കൈപിടിച്ച് ആനയിക്കാന്‍ ഇക്കുറിയെത്തിയത് ആദിവാസി ഊരിലെ കുരുന്നുകള്‍. കേരള ബ്ലാസ്റ്റേഴ്‌സ്-മുംബൈ സിറ്റി ഐ.എസ്.എല്‍ മത്സരം നടന്ന കലൂര്‍ അന്താരാഷ്ട്ര സ്റ്റേഡിയത്തിലാണ് ചരിത്രം പിറന്നത്. കാസര്‍കോട് കരിന്തലം ഏകലവ്യ മോഡല്‍ റെസിഡന്‍ഷ്യല്‍ സ്‌പോര്‍ട്‌സ് സ്‌കൂളിലെ 22 ട്രൈബല്‍ വിദ്യാര്‍ഥികളാണ് ഐ.എസ്.എല്‍ താരങ്ങളെ മൈതാനത്തിലേക്ക് ആനയിക്കാനെത്തിയത്.
മുന്‍ ഇന്ത്യന്‍ ഫുട്ബാള്‍ ടീം ക്യാപ്റ്റനും സ്‌കൂള്‍ ഡയറക്ടറുമായ കെ.വി. ധനേഷിന്റെ നേതൃത്വത്തിലാണ് കുട്ടികള്‍ കൊച്ചിയിലെത്തിയത്.
"
https://www.facebook.com/Malayalivartha
