ഇന്ത്യക്കെതിരായ മൂന്ന് ട്വന്റി 20 മത്സരങ്ങളടങ്ങിയ പരമ്പരയ്ക്കുള്ള അഫ്ഗാനിസ്താന്‍ ടീമിനെ പ്രഖ്യാപിച്ചു... ആദ്യ മത്സരം ജനുവരി 11ന് മൊഹാലിയില്‍
ഇന്ത്യക്കെതിരായ മൂന്ന് ട്വന്റി 20 മത്സരങ്ങളടങ്ങിയ പരമ്പരയ്ക്കുള്ള അഫ്ഗാനിസ്താന്‍ ടീമിനെ പ്രഖ്യാപിച്ചു. അഫ്ഗാനിസ്താന്‍ ക്രിക്കറ്റ് ബോര്‍ഡ് സെലക്ഷന്‍ കമ്മിറ്റിയാണ് 19 അംഗ ടീമിനെ തിരഞ്ഞെടുത്തത്. ജനുവരി 11ന് മൊഹാലിയിലാണ് ആദ്യ മത്സരം.
അഫ്ഗാനിസ്താന്‍ സൂപ്പര്‍താരവും ക്യാപ്റ്റനുമായ റാഷിദ് ഖാന്‍ സ്‌ക്വാഡില്‍ ഉള്‍പ്പെട്ടിട്ടുണ്ടെങ്കിലും ശസ്ത്രക്രിയ മൂലം വിശ്രമം വേണ്ടി വരുന്നതിനാല്‍ കളിക്കുമോ എന്നകാര്യത്തില്‍ ഉറപ്പില്ല. അതേസമയം യു.എ.ഇ.ക്കെതിരേ ഷാര്‍ജയില്‍ നടന്ന മത്സരത്തില്‍ അഫ്ഗാനിസ്താനെ നയിച്ച ഇബ്രാഹിം സദ്രാന്‍ ടീമിലുണ്ട്. യു.എ.ഇ.ക്കെതിരെ മൂന്ന് മത്സരങ്ങളടങ്ങിയ പരമ്പര 21ന് അഫ്ഗാനിസ്താന്‍ സ്വന്തമാക്കിയിട്ടുണ്ടായിരുന്നു.
ടീം സ്‌ക്വാഡ്: ഇബ്രാഹിം സദ്രാന്‍ (ക്യാപ്റ്റന്‍), റഹ്മാനുള്ള ഗുര്‍ബാസ് (വിക്കറ്റ് കീപ്പര്‍), ഇക്രം അലിഖില്‍ (വിക്കറ്റ് കീപ്പര്‍), ഹസ്‌റത്തുള്ള സസായ്, റഹ്മത്ത് ഷാ, നജീബുള്ള സദ്രാന്‍, മുഹമ്മദ് നബി, കരീം ജന്നത്, അസ്മത്തുള്ള ഒമര്‍സായ്, ഗുല്‍ബാദിന്‍ നയിബ്, റാഷിദ് ഖാന്‍, ഷറഫുദ്ദീന്‍ അഷ്‌റഫ്, മുജീബുര്‍ റഹ്മാന്‍, ഫസല്‍ഹഖ് ഫാറൂഖി, ഫരീദ് അഹ്മദ്, നവീന്‍ ഉള്‍ ഹഖ്, നൂര്‍ അഹമ്മദ്, മുഹമ്മദ് സലീം, ഖൈസ് അഹ്മദ്.
https://www.facebook.com/Malayalivartha
