എഎഫ്സി ഏഷ്യന് കപ്പിന് ഇന്ന് കിക്കോഫ്
എഎഫ്സി ഏഷ്യന് കപ്പിന് ഇന്ന് കിക്കോഫ്. അര്ജന്റീനയ്ക്കായി ലയണല് മെസി ലോകകിരീടം ഏറ്റുവാങ്ങിയ ലുസൈല് സ്റ്റേഡിയത്തിലാണ് ആദ്യമത്സരം. നിലവിലെ ചാമ്പ്യന്മാരായ ഖത്തര് രാത്രി 9.30ന് ലബനനെ നേരിടും. ഇന്ത്യക്ക് നാളെ വൈകിട്ട് അഞ്ചിന് ഓസ്ട്രേലിയയാണ് എതിരാളി. മത്സരങ്ങള് സ്പോര്ട്സ് 18 ചാനലിലും ജിയോ സിനിമ ആപ്പിലും കാണാനാകും.
ഖത്തറിന് ലോകകപ്പ് വിജയകരമായി നടത്തിയ പരിചയവും ആത്മവിശ്വാസവുമുണ്ട്. ഇപ്പോള് തണുത്ത കാലാവസ്ഥയാണ്. 24 ടീമുകള് അഞ്ചു നഗരങ്ങളിലായി ഒമ്പത് സ്റ്റേഡിയങ്ങളില് കളിക്കും. അതില് ഏഴും ലോകകപ്പിന് വേദിയായിരുന്നു. ലോകകപ്പ് ഫൈനല് നടന്ന ലുസൈല് സ്റ്റേഡിയമാണ് ഇത്തവണയും പ്രധാനവേദി. ആകെ 51 മത്സരങ്ങള്.
ഫൈനല് ഫെബ്രുവരി 10ന്. ഏഷ്യന് ആധിപത്യത്തിനായി ഇന്ത്യയും അണിനിരക്കുന്നുവെന്നതാണ് സവിശേഷത. മലയാളികള് അടക്കമുള്ള ഇന്ത്യന് ഫുട്ബോള് ആരാധകര്ക്ക് ഇത് ആവേശം നല്കും.
https://www.facebook.com/Malayalivartha
