പുരുഷ-വനിത ഹോക്കി ലോകകപ്പിന് ഇന്ന് തുടക്കം. നെതര്‍ലന്റിലെ പ്രധാന നഗരമായ ഹേഗിലാണ് ഹോക്കി ലോകകപ്പ് നടക്കുന്നത്. ഹേഗ് മേയര്‍ യോസിയോ ഫന്‍ അര്‍സ്റ്റനാണ് ലോകകപ്പ് ഉല്‍ഘാടനം ചെയ്യുന്നത്. ഇന്ന് പ്രദര്‍ശന മത്സരമാണ് സംഘടിപ്പിച്ചിരിക്കുന്നത്. നാളെയാണ് ലോകകപ്പ് മത്സരങ്ങള്‍ ആരംഭിക്കുന്നത്.

ആദ്യ മത്സരത്തില്‍ ഓസ്‌ട്രേലിയ മലേഷ്യയെ നേരിടും. അന്നു തന്നെ ഇന്ത്യയും മത്സരത്തിനിറങ്ങുന്നുണ്ട്. ബെല്‍ജിയത്തിനെതിരെയാണ് ഇന്ത്യ മത്സരത്തിനിറങ്ങുന്നത്. ഇന്നലെ നടന്ന പരിശീലന മത്സരത്തില്‍ ഇന്ത്യന്‍ പുരുഷന്‍മാര്‍ ദക്ഷിണാഫ്രിക്കയെ 4-1ന് തോല്‍പിച്ചിരുന്നു. 12 രാജ്യങ്ങള്‍ വീതമാണ് ഹോക്കി ലോകകപ്പില്‍ മാറ്റുരക്കുന്നത്. വനിതാലോകകപ്പിന് ഇന്ത്യ യോഗ്യത നേടിയിട്ടില്ല.