ഒന്നാം വര്ഷ ഹയര് സെക്കന്ഡറി പ്രവേശനത്തിന്റെ മൂന്നാംഘട്ട അലോട്ട്മെന്റില് 80,694 പേര്ക്കുകൂടി പ്രവേശനം... ഇന്ന് രാവിലെ 10 മുതല് ജൂലൈ നാലിന് വൈകിട്ട് നാലിനകം അലോട്ട്മെന്റ് ലഭിച്ച സ്കൂളുകളില് പ്രവേശനം നേടണം
ഒന്നാം വര്ഷ ഹയര് സെക്കന്ഡറി പ്രവേശനത്തിന്റെ മൂന്നാംഘട്ട അലോട്ട്മെന്റില് 80,694 പേര്ക്കുകൂടി പ്രവേശനം ലഭിച്ചു. പ്രവേശനം നേടിയവര് ഇന്ന് രാവിലെ 10 മുതല് ജൂലൈ നാലിന് വൈകിട്ട് നാലിനകം അലോട്ട്മെന്റ് ലഭിച്ച സ്കൂളുകളില് പ്രവേശനം നേടണം. ഇല്ലെങ്കില് പ്രവേശന പ്രക്രിയക്ക് പുറത്താകുകയും ചെയ്യും.
ആകെ മെറിറ്റ് സീറ്റുകളില് പ്രവേശനം നേടിയവര് 2,99,309 ആയി. മുഖ്യഘട്ടത്തിലെ അവസാനത്തേതായ മൂന്നാംഘട്ടത്തിലും കൂടുതല് കുട്ടികള് പ്രവേശനം നേടിയത് മലപ്പുറത്താണ്- 15,431 പേര്. മറ്റു ജില്ലകളിലെല്ലാം ഇതില് പകുതിയില് താഴെ സീറ്റുകളിലാണ് മൂന്നാംഘട്ട പ്രവേശനം. മുഖ്യ അലോട്ട്മെന്റ് അവസാനിച്ചപ്പോഴും 2799 മെറിറ്റ് സീറ്റ് ഒഴിഞ്ഞുകിടക്കുകയാണ്.
മൂന്നാം അലോട്ട്മെന്റോടെ ഭിന്നശേഷിക്കാരായ എല്ലാ കുട്ടികളും സംസ്ഥാനത്ത് പ്ലസ് വണ് പ്രവേശനം നേടി. കമ്യൂണിറ്റി, മാനേജ്മെന്റ് സീറ്റുകളില് പ്രവേശന നടപടി തുടരുകയാണ്. ഈ സീറ്റുകളില് ഒഴിവ് വരുന്നവ രണ്ടാം സപ്ലിമെന്ററി ഘട്ടത്തില് ജനറല് മെറിറ്റ് സീറ്റുകളായി പ്രഖ്യാപിച്ച് അലോട്ട്മെന്റ് നടത്തും.
അതേസമയം അപേക്ഷിച്ചിട്ടും ഇതുവരെയും അലോട്ട്മെന്റ് ലഭിക്കാത്തവര്ക്ക് സപ്ലിമെന്ററി അലോട്ട്മെന്റില് പരിഗണിക്കപ്പെടുന്നതിന് അപേക്ഷ പുതുക്കി നല്കണം.സപ്ലിമെന്ററി അലോട്ട്മെന്റിനായുള്ള ഒഴിവ് വിവരങ്ങളും വിജ്ഞാപനവും പിന്നീട് പ്രസിദ്ധീകരിക്കുന്നതാണ്.
"
https://www.facebook.com/Malayalivartha