പ്ലസ് വണ്, വൊക്കേഷണല് എച്ച്.എസ്.എസിലെ ഗവ., എയ്ഡഡ് സ്കൂളുകളിലേക്കുള്ള പ്രധാന അലോട്ട്മെന്റിലെ അവസാന പട്ടികയില് 33,598 വിദ്യാര്ത്ഥികള് പുറത്ത് .. പ്രവേശനം ലഭിച്ചവര് നാലിന് വൈകിട്ട് നാലിനുള്ളില് ഫീസടച്ച് സ്ഥിര പ്രവേശനം നേടണം
പ്ലസ് വണ്, വൊക്കേഷണല് എച്ച്.എസ്.എസിലെ ഗവ., എയ്ഡഡ് സ്കൂളുകളിലേക്കുള്ള പ്രധാന അലോട്ട്മെന്റിലെ അവസാന പട്ടികയില് 33,598 വിദ്യാര്ത്ഥികള്ക്ക് പ്രവേശനം ലഭിച്ചില്ല.
81,022 പേര് അപേക്ഷിച്ചപ്പോള് 47,424 പേര്ക്കാണ് വിവിധ സ്കൂളുകളിലായി പ്രവേശനം ലഭിച്ചത്. 15,431 പേര് മൂന്നാം അലോട്ട്മെന്റില് പ്രവേശനം നേടി. 9,671 പേര്ക്ക് ഹയര് ഓപ്ഷന് ലഭിച്ചു. ജില്ലയില് ഇനി അവശേഷിക്കുന്നത് നാല് സീറ്റുകള് മാത്രമാണ്.
ഈഴവ, ബില്ലവ, തീയ വിഭാഗത്തില് രണ്ടും എസ്.സി വിഭാഗത്തില് രണ്ടും സീറ്റുകള് ഉള്പ്പെടെയാണിത്.ഇതുവരെ അപേക്ഷിക്കാത്തവര്ക്കും തെറ്റായ വിവരങ്ങള് നല്കിയതിനാലോ ഫൈനല് കണ്ഫര്മേഷന് നല്കാത്തതിനാലോ അലോട്ട്മെന്റിന് പരിഗണിക്കപ്പെടാത്ത അപേക്ഷകര്ക്കും ഇനി വരുന്ന സപ്ലിമെന്ററി ഘട്ടത്തില് അപേക്ഷിക്കാം.
കൂടാതെ, മുഖ്യഘട്ടത്തില് അപേക്ഷിച്ചിട്ടും പ്രവേശനം ലഭിക്കാത്തവര്ക്ക് സപ്ലിമെന്ററി അലോട്ട്മെന്റിനായി പ്രസിദ്ധീകരിക്കുന്ന ഒഴിവുകളിലേക്ക് പരിഗണിക്കുന്നതിന് അപേക്ഷ പുതുക്കി നല്കാവുന്നതാണ്.
അതേസമയം പ്രവേശനം ലഭിച്ചവര് നാലിന് വൈകിട്ട് നാലിനുള്ളില് രക്ഷാകര്ത്താവിനൊപ്പം ഒറിജിനല് സര്ട്ടിഫിക്കറ്റുമായി സ്കൂളിലെത്തി ഫീസടച്ച് സ്ഥിര പ്രവേശനം നേടേണ്ടതാണ്.. ഇനി ഉയര്ന്ന ഓപ്ഷന് നിലനിറുത്താനുള്ള അവസരമില്ല. പ്രവേശനം നേടാത്തവരെ സപ്ലിമെന്ററി ലോട്ട്മെന്റില് പരിഗണിക്കില്ല. ജൂലായ് അഞ്ചിന് പ്ലസ് വണ് ക്ലാസുകള് ആരംഭിച്ച ശേഷമാകും സപ്ലിമെന്ററി പ്രവേശന നടപടികള് തുടങ്ങുക.
"
https://www.facebook.com/Malayalivartha