നിയമന ശുപാര്‍ശകള്‍ ഉദ്യോഗാര്‍ഥികളുടെ പ്രൊഫൈലില്‍ക്കൂടി ലഭ്യമാക്കാന്‍ കേരള പബ്ലിക് സര്‍വീസ് കമീഷന്‍ തീരുമാനം... തപാല്‍ വഴി അയക്കുന്നതു തുടരും
നിയമന ശുപാര്‍ശകള്‍ ഉദ്യോഗാര്‍ഥികളുടെ പ്രൊഫൈലില്‍ക്കൂടി ലഭ്യമാക്കാന്‍ കേരള പബ്ലിക് സര്‍വീസ് കമീഷന്‍ തീരുമാനം. ജൂലൈമുതല്‍ പ്രസിദ്ധീകരിക്കുന്ന റാങ്ക് പട്ടികകളില്‍ നിന്നുള്ള നിയമന ശുപാര്‍ശകളാണ് ഓണ്‍ലൈനില്‍ ലഭ്യമാക്കുക.
നിയമന ശുപാര്‍ശകള്‍ തപാല്‍ വഴി അയക്കുന്നതു തുടരും. ക്യുആര്‍ കോഡോടുകൂടിയുള്ള നിയമന ശുപാര്‍ശാ മെമ്മോയായിരിക്കും പ്രൊഫൈലില്‍ ലഭ്യമാക്കുക. അവ സ്‌കാന്‍ ചെയ്ത് ആധികാരികത ഉറപ്പാക്കാന്‍ നിയമനാധികാരികള്‍ക്ക് സാധിക്കും. ഉദ്യോഗാര്‍ഥികള്‍ക്ക് ഒടിപി ഉപയോഗിച്ച് സുരക്ഷിതമായി അവരുടെ പ്രൊഫൈലില്‍നിന്ന് നിയമന ശുപാര്‍ശ ഡൗണ്‍ലോഡ് ചെയ്യാവുന്നതാണ്.
വിലാസത്തിലെ അവ്യക്തതമൂലമോ വിലാസം മാറിയതുമൂലമോ നിയമന ശുപാര്‍ശ മെമ്മോകള്‍ യഥാസമയം ലഭിച്ചില്ലെന്ന പരാതികള്‍ക്ക് ഇതോടെ പരിഹാരമാകുകയും ചെയ്യും.
കാലതാമസമില്ലാതെ നിയമന ശുപാര്‍ശ ലഭിക്കും. വിവിധ വകുപ്പുകളിലേക്കുള്ള നിയമന ശുപാര്‍ശ കത്തുകള്‍ ഇ- വേക്കന്‍സി സോഫ്റ്റ്വെയര്‍ വഴി നിയമനാധികാരികള്‍ക്ക് നേരിട്ട് ലഭ്യമാക്കാനും പിഎസ്‌സി തീരുമാനിച്ചിട്ടുണ്ട്..
https://www.facebook.com/Malayalivartha
