പ്ലസ് വണ്‍ സപ്ലിമെന്ററി അലോട്ട്മെന്റിനുള്ള ഓണ്‍ലൈന്‍ അപേക്ഷ നാളെ രാവിലെ 10 മുതല്‍ സമര്‍പ്പിക്കാം. അലോട്ട്മെന്റ് വേക്കന്‍സിയും മറ്റ് വിവരങ്ങളും  https://hscap.kerala.gov.in ല്‍ രാവിലെ 9 മുതല്‍ ലഭ്യമാകും. മുഖ്യ അലോട്ട്മെന്റില്‍ ഇടം ലഭിക്കാത്തവര്‍ക്കും ഇതുവരെ അപേക്ഷിക്കാന്‍ കഴിയാതിരുന്നവര്‍ക്കും അപേക്ഷിക്കാം. പന്ത്രണ്ടാം തീയതി വരെയാണ് സപ്ലിമെന്ററി അലോട്ട്മെന്റ് നടക്കുക.

തെറ്റായ വിവരങ്ങള്‍ അപേക്ഷയില്‍ ഉള്‍പ്പെട്ട കാരണം പ്രവേശനം നിഷേധിക്കപ്പെട്ടവര്‍ക്കും തെറ്റുകള്‍ തിരുത്തി അപേക്ഷ പുതുക്കാന്‍ അവസരം ലഭ്യമാണ്.

11ാം തീയതി പ്രവേശനത്തിന്റെ സപ്ലിമെന്ററി ഘട്ടം പൂര്‍ത്തിയാക്കും. തുടര്‍ന്ന് പരാതി ഉണ്ടായ മലപ്പുറം, പാലക്കാട്, കോഴിക്കോട്, വയനാട് തുടങ്ങിയ ജില്ലകളിലെ വിദ്യാര്‍ത്ഥികളുടെ വിവരം താലൂക്ക് അടിസ്ഥാനത്തില്‍ ശേഖരിക്കുകയും ചെയ്യും.

ഇതുവരെ 316772 പേര്‍ പ്ലസ് വണ്ണിന് പ്രവേശനം നേടിയിരുന്നു. ബുധനാഴ്ച മുതലാണ് സംസ്ഥാനത്ത് പ്ലസ് വണ്‍ ക്ലാസുകള്‍ ആരംഭിച്ചത്.