വൊക്കേഷണല് ഹയര് സെക്കന്ഡറിയില് സപ്ലിമെന്ററി പ്രവേശനത്തിനായി ഇന്ന് മുതല് 12ന് വൈകിട്ട് നാലു വരെ അപേക്ഷ സമര്പ്പിക്കാം
വൊക്കേഷണല് ഹയര് സെക്കന്ഡറിയില് സപ്ലിമെന്ററി പ്രവേശനത്തിനായി ഇന്ന് മുതല് 12ന് വൈകിട്ട് നാലു വരെ അപേക്ഷ സമര്പ്പിക്കാം. മുഖ്യ ഘട്ടത്തില് അലോട്ട്മെന്റ് ലഭിച്ചിട്ട് പ്രവേശനത്തിന് ഹാജരാകാത്തവര്ക്കും അലോട്ട്മെന്റില് ഇടം നേടാതിരുന്നവര്ക്കും അപേക്ഷ നല്കാനായി കഴിയാതിരുന്നവര്ക്കും ഇപ്പോള് അപേക്ഷിക്കാവുന്നതാണ്.
തെറ്റായ വിവരങ്ങള് അപേക്ഷയില് ഉള്പ്പെട്ടതിനാല് അലോട്ട്മെന്റ് ലഭിച്ചിട്ടും പ്രവേശനം നിരാകരിക്കപ്പെട്ടവര്ക്കും അപേക്ഷ പുതുക്കി നല്കാന് കഴിയും.
www.admission.dge.kerala.gov.in ലെ ഹയര് സെക്കന്ഡറി അഡ്മിഷന് പേജില് ലോഗിന് ചെയ്ത് അപേക്ഷ സമര്പ്പിക്കാവുന്നതാണ്. അപേക്ഷ നല്കുന്നതിന് പത്താം തരം പഠിച്ച സ്കൂളിലെയോ തൊട്ടടുത്ത സര്ക്കാര്, എയ്ഡഡ് വൊക്കേഷണല് ഹയര് സെക്കന്ഡറി സ്കൂളിലെയോ കമ്പ്യൂട്ടര് ലാബ് സൗകര്യവും അദ്ധ്യാപകരുടെ സഹായവും പ്രയോജനപ്പെടുത്താവുന്നതാണ്.
"
https://www.facebook.com/Malayalivartha