നടിയും ഗായികയുമായ രമ്യ നമ്പീശൻ ആദ്യമായി സംവിധാനം ചെയ്ത ഹ്രസ്വചിത്രം അണ്ഹൈഡ് പുറത്തിറങ്ങി; പങ്കുവെച്ചത് വിജയ് സേതുപതി, കാർത്തിക് സുബ്ബരാജ്, മഞ്ജു വാര്യർ എന്നിവർ ചേർന്ന്
നടി, നര്ത്തകി, ഗായിക എന്നീ നിലകളില് പ്രശസ്തയായ രമ്യ നമ്പീശന് ആദ്യമായി സംവിധായികയുടെ വേഷമണിഞ്ഞ ഹ്രസ്വചിത്രം അണ്ഹൈഡ് പുറത്തിറങ്ങി. തമിഴ് സൂപ്പർ താരം വിജയ് സേതുപതിയും സംവിധായകൻ കാർത്തിക് സുബ്ബരാജും നടി മഞ്ജു വാര്യരും തങ്ങളുടെ ഫേസ്ബുക്ക് പേജിലൂടെയാണ് ഹ്രസ്വചിത്രം പുറത്തിറക്കിയത്. ഇതിനോടകം നിരവധിയാളുകള് ചിത്രം കണ്ടുകഴിഞ്ഞു. സ്ത്രീകള്ക്ക് മാത്രമല്ല സമൂഹത്തിന് ആകമാനം പുതിയ കാഴ്ചപ്പാടിന്റെ സന്ദേശം നല്കുന്നതാണ് ചിത്രം എന്നാണ് പ്രേക്ഷകരുടെ പ്രതികരണം.
രമ്യ നമ്പീശന് തന്നെ പ്രധാന വേഷത്തിലെത്തുന്ന ചിത്രത്തിന്റെ ഇതിവൃത്തം സാമൂഹികമായി സ്ത്രീകള് നേരിടുന്ന പ്രതിസന്ധികളാണ്. ഒരു സ്ത്രീ സമൂഹത്തില് അനുഭവിക്കുന്ന പ്രതിസന്ധികളും പ്രശ്നങ്ങളും ലൈംഗിക ചൂഷണങ്ങളും രമ്യ തന്റെ ചിത്രത്തില് ഉള്പ്പെടുത്തിയിരിക്കുന്നു . ഞാനോ നീയോ അല്ല, ജീവിക്കുകയും സ്ത്രീകളെ ജീവിക്കാന് അനുവദിക്കുകയും ചെയ്ത് നമ്മളായി മുന്നോട്ടുപോവുകയെന്നാണ് മൂന്ന് മിനുട്ട് ദൈര്ഘ്യമുള്ള ഹ്രസ്വചിത്രം പങ്കുവെക്കുന്ന സന്ദേശം.
സഹോദരനും സംഗീത സംവിധായകനുമായ രാഹുല്സുബ്രഹ്മണ്യനാണ് ചിത്രത്തിന് സംഗീതം പകർന്നത് . 'ഹായ് ഫ്രണ്ട്സ്, ഈ ചലിച്ചുകൊണ്ടിരിക്കുന്ന ചിത്രങ്ങള് എന്നെ ഏറെ പ്രചോദിപ്പിക്കുന്നതാണ്. ഇതില് നിന്നാണ് ചെറിയൊരു കുഞ്ഞു കാലടികള് വയ്ക്കാന് എന്നെ പ്രേരിപ്പിച്ചത്. സിനിമയുടെ എല്ലാ ചേരുവകളോടും കൂടി ഞാനൊരു ചെറിയ ഹ്രസ്വചിത്രം ചെയ്യുകയാണ്. എന്റെ ഹൃദയത്തോട് ചേര്ന്നുനില്ക്കുന്ന വിഷയമാണ്. അത് എന്റെ യുട്യൂബ് ചാനലില് വൈകാതെ എത്തുമെന്നും രമ്യ മുൻപ് കുറിച്ചിരുന്നു.
https://www.facebook.com/Malayalivartha