സ്പെഷ്യല്‍ മാരേജ് ആക്ട് പ്രകാരം നടന്‍ ചെമ്പന്‍ വിനോദ് വിവാഹിതനാവുന്നു...മലയാള സിനിമയില്‍ നായകനായും സഹനടനായും വില്ലനായും ഒക്കെ മികവ് തെളിയിച്ചിട്ടുള്ള നടനാണ് ചെമ്പൻ വിനോദ് ..അദ്ദേഹം വിവാഹിതനാകുന്നു എന്ന വാർത്ത ഫെബ്രുവരി 19 രാത്രി മുതൽ സോഷ്യൽ മീഡിയയിൽ നിറഞ്ഞിരുന്നു. .

ഇതിൻറെ കൂടെ ഒരു വിവാഹ രജിസ്ട്രേഷന് മുന്നോടിയായുള്ള നടപടി ക്രമത്തിന്റെ ചിത്രവും സോഷ്യല്‍ മീഡിയയില്‍ എത്തിയിരുന്നു. വിവാഹ രജിസ്ട്രേഷനുള്ള ഫോമിൽ വരന്റെയും, വധുവിന്റെയും ഫോട്ടോയും, പേരും വിവരങ്ങളും എല്ലാം തന്നെ ഉണ്ടായിരുന്നു.ഇവരുടെ വിവാഹ തീരുമാനം അറിയിച്ചുകൊണ്ടുള്ള നോട്ടീസ് അങ്കമാലി സബ് രജിസ്ട്രാർ ഓഫീസിൽ പതിപ്പിച്ചിട്ടുമുണ്ട് ... ഇതോടെ വാർത്ത കാട്ടുതീപോലെ പടർന്നു. ഇപ്പോൾ ഇതിന് പ്രതികരണവുമായി ചെമ്പൻ വിനോദ് രംഗത്തെത്തിയിരിക്കുകയാണ്.

വാർത്ത സത്യമാണെന്നു, വിവാഹത്തിൻറെ സ്ഥലവും കാര്യങ്ങളുമെല്ലാം ഉടൻ അറിയിക്കാമെന്ന് അദ്ദേഹം പറഞ്ഞു. എന്നാൽ ചിത്രങ്ങൾ സോഷ്യൽ മീഡിയയിൽ പ്രചരിപ്പിച്ചത് തൻറെ അറിവോടെയല്ലെന്നും ചെമ്പൻ പറഞ്ഞു. എല്ലാവരുടെയും പ്രാർത്ഥന വേണമെന്നും അദ്ദേഹം പറഞ്ഞു.

കോട്ടയം സ്വദേശിയും സെെക്കോളജിസ്റ്റുമായ മറിയം തോമസാണ് വധു. വിവാഹ തിയതിയും സ്ഥലവും തീരുമാനിച്ചിട്ടില്ല. താരത്തിന്റെ രണ്ടാം വിവാഹമാണിത്. ഏതാനും നാളുകൾക്ക് മുൻപാണ് ചെമ്പൻ വിനോദ് വിവാഹമോചിതനായത്. ആദ്യ വിവാഹത്തിൽ ഒരു മകനുണ്ട്.

43കാരനായ ചെമ്പന്റെയും 25കാരിയായ മറിയത്തിന്റെയും സ്പെഷ്യൽ മാര്യേജ് ആക്ട് പ്രകാരമുള്ള റജിസ്ട്രേഷൻ ഫെബ്രുവരി മാസം അഞ്ചിനാണ് ചെയ്തിരിക്കുന്നത്. സ്പെഷ്യല്‍ മാരേജ് നിയമം അനുസരിച്ച് നോട്ടീസ് അപ്ലിക്കേഷന്‍ ഫയല്‍ ചെയ്ത് മുന്നുമാസത്തിനുള്ളില്‍ വിവാഹം നടക്കണം.

എന്നാല്‍ വിവാഹ തിയതിയെക്കുറിച്ച് താരം ഇതുവരെ പ്രതികരിച്ചിട്ടില്ല
ഈ മ യൌ എന്ന സിനിമയിലെ അഭിനയത്തിന് 2018ല്‍ ഐഎഫ്എഫ്‍ഐയില്‍ മികച്ച നടനുള്ള പുരസ്‍കാരം ചെമ്പൻ വിനോദിന് ലഭിച്ചിരുന്നു. ബിഗ് ബ്രദര്‍ എന്ന സിനിമയിലാണ് ഏറ്റവുമൊടുവില്‍ ഒരു പ്രധാന കഥാപാത്രമായി എത്തിയത്