മൂർഖനെയല്ല വേണ്ടി വന്നാൽ ആനയെ വരെ വരച്ച വരയിൽ നിർത്തും നടി പ്രവീണ. താരം സമൂഹമാധ്യമത്തിൽ പങ്കുവച്ച പുതിയ വിഡിയോയിൽ ആനയുമൊത്തുള്ള ചങ്ങാത്തം കാണാം

ഉമാമഹേശ്വരമഠത്തിൽ എത്തി ആനയ്ക്ക് ഭക്ഷണം കൊടുക്കുന്നതും ആനയുടെ പുറത്തുകയറുന്നതും ‘ഇമ്മിണി വല്യ ആനക്കാര്യം’ എന്ന അടിക്കുറിപ്പോടെയുള്ള ഈ വിഡിയോയിൽ നടി പങ്കുവച്ചിട്ടുണ്ട്

നേരത്തെ വീട്ടിലെ കോഴിക്കൂട്ടിലെത്തിയ മൂർഖൻ കുഞ്ഞിനെ കയ്യിലെടുക്കുന്ന നടിയുടെ വിഡിയോ വൈറലായിരുന്നു. തന്റെ യുട്യൂബ് ചാനലിലൂടെ പുറത്തുവിട്ട വിഡിയോയിൽ നിരവധി ആരാധകരാണ് കമന്റുകളുമായി എത്തിയത്

ഉമാമഹേശ്വരമഠം ഉമാദേവി എന്ന ആന സുന്ദരിയെക്കുറിച്ചുള്ള വീഡിയോ ആണ് പ്രവീണ തന്റെ ചാനലിൽ പങ്ക് വെച്ചിരിക്കുന്നത് ..ആനയുടെ ചങ്ങല പിടിച്ച് തികഞ്ഞൊരു പാപ്പന്റെ ചലനങ്ങളോടെയാണ് പ്രവീണ എത്തുന്നത് .ഈ കരിയഴകിനെ സ്നേഹിക്കാൻ മാത്രമറിയാവുന്ന ആന പിറവി എന്നാണ്‌ താരം വിശേഷിപ്പിക്കുന്നത്

തിരുവനന്തപുരം കൊഞ്ചിറവിളയിലെ ഉമാമഹേസ്വരമഠം തിരുമേനിയാണ് ഈ ആനയുടെ ഉടമസ്ഥൻ ..ആനയുടെ ഇഷ്ടഭക്ഷണമായ പൈനാപ്പിൾ ,വാഴപ്പഴം, തെങ്ങോല എന്നിവയെല്ലാം കയ്യിൽ കരുതിയാണ് പ്രവീണ പോയത്..അതെല്ലാം സ്വന്തം കൈയ് കൊണ്ടുതന്നെ ആനക്ക് കൊടുക്കുന്നുമുണ്ട് പ്രവീണ . കൊച്ചുകുട്ടികൾക്ക് വരെ ധൈര്യമായി ഇവളുടെ അടുത്തു ചെല്ലാം

പ്രവീണ ആനപുറത്തിരുന്ന് വിശേഷങ്ങൾ പങ്കവെക്കുന്ന വീഡിയോ ഇപ്പോൾ സോഷ്യൽമീഡിയകളിൽ വൈറലായിക്കഴിഞ്ഞു ..തിരുവന്തപുരത്തുകാരിയുടെ പ്രിയപ്പെട്ട ഉമക്കുട്ടി എന്ന ഈ ആന ഏറെ നല്ലവളാണെന്നാണ് പ്രവീണയുടെ സർട്ടിഫിക്കറ്റ്