തലകുത്തി നിൽക്കാൻ പറ്റുവോ സക്കീർ ഭായിക്ക്? ബട്ട് ഐ കാൻ എന്ന അടിക്കുറിപ്പോടെയുള്ള വീഡിയോ ആണ് ഇപ്പോൾ സമൂഹമാധ്യമങ്ങളിൽ വൈറൽ ...കഴിഞ്ഞ ദിവസം ടോവിനോ തോമസ് പോസ്റ്റ് ചെയ്ത ഈ വീഡിയോക്ക് നിരവധി കമന്റുകളാണ് കിട്ടിയിരിക്കുന്നത്

മലയാള സിനിമയിലെ മസിൽമാന്മാരിൽ ഒരാളാണ് ടൊവിനോ തോമസ്.അരുൺ റുഷ്ദി സംവിധാനം ചെയ്ത ഷോർട്ട് ഫിലിം ഗ്രിസയിലിയിൽ ആണ് ടൊവിനോ ആദ്യം അഭിനയിച്ചത്..

പ്രഭുവിന്റെ മക്കൾ എന്ന ചിത്രത്തിലൂടെ ആണ് സിനിമ രംഗത്തേക്ക് വന്നത്
തല കുത്തി നിൽക്കാൻ പറ്റുവോ സക്കീർ ഭായിക്ക് ? ബട്ട് ഐ കാൻ എന്ന അടിക്കുറിപ്പിലാണ് വിഡിയോ പോസ്റ്റ് ചെയ്തത്. ലോക്ക്ഡൗണിൽ നേടിയെടുത്ത പുതിയ കഴിവാണെന്നും പോസ്റ്റിലുണ്ട്.

എന്തായാലും താരത്തിന്റെ പ്രകടനം ആരാധകരെ അമ്പരപ്പിച്ചിരിക്കുകയാണ്. അതിനൊപ്പം രസകരമായ കമന്റുകളും വരുന്നുണ്ട്.

മോഹൻലാൽ സിനിമയിലെ ഡയലോ​ഗായതിനാൽ ലാലേട്ടനോടുള്ള വെല്ലുവിളിയാണോ എന്നാണ് ഒരാളുടെ ചോദ്യം. രണ്ട് കുട്ടികളുടെ അച്ഛനായിട്ടും ഇതുവരെ കുട്ടിക്കളി മാറിയിട്ടില്ലെന്നാണ് ചിലർ പറയുന്നത്. "കൈകൂടെ വിട്ടാൽ പൊളിച്ചേനെ"എന്ന മട്ടിലുള്ള കമന്റുകളും വരുന്നുണ്ട്

കൊവിഡിൽ സിനിമാ ചിത്രീകരണങ്ങൾ നിറുത്തിവച്ച് വീട്ടിലിരിക്കുകയാണ് താരങ്ങൾ. നടി നടന്മാർ തങ്ങളുടെ വിശേഷങ്ങളുമായി സോഷ്യൽ മീഡിയയിൽ പ്രത്യക്ഷപ്പെടാറുണ്ട്.. ലോക്ക് ഡൗണിൽ സിനിമാതാരങ്ങളുടെ പ്രധാന ഹോബി വർക്കൗട്ട് വിഡിയോകൾ ഫേസ്‌ബുക് പേജിലും ഇൻസ്റാഗ്രാമിലും പോസ്റ്റ് ചെയ്യുക എന്നതാണ് ..

ടോവിനോയുടെ വർക്കൗട്ട് വിഡിയോകളെല്ലാം തന്നെ സോഷ്യൽ മീഡിയയിൽ ഹിറ്റാകാറുണ്ട്. ഇപ്പോൾ തലകുത്തി നിന്ന് ആരാധകരെ ഞെട്ടിച്ചിരിക്കുകയാണ് താരം. സ്റ്റൂളിൽ തലകുത്തിനിന്നുകൊണ്ട് കാലുകൾ ഫ്ലിപ്പ് ചെയ്യുന്നതാണ് വിഡിയോയിൽ കാണുന്നത്.ഈ തകർപ്പൻ വിഡിയോ ഇതിനോടകം വൈറൽ ആണ്

അടുത്തിടെയാണ് നടൻ അബു സലിം താരത്തെ പുഷ്അപ്പ് ചലഞ്ച് ചെയ്തിരുന്നു. അദ്ദേഹത്തെ വെല്ലുവിളി ഏറ്റെടുത്തുകൊണ്ടുള്ള വിഡിയോയും സോഷ്യൽ മീഡിയയിൽ ഹിറ്റായിരുന്നു. കഴിഞ്ഞ ദിവസം താരത്തിന് രണ്ടാമത്തെ കുഞ്ഞ് ജനിച്ചിരുന്നു..താൻ ഒരു ആൺ കുഞ്ഞിന്റെ അച്ഛനായ വിവരവും കുഞ്ഞിന്റെ ഫോട്ടോയും എല്ലാം ടോവിനോ ആരാധകർക്കായി പങ്ക് വച്ചിരുന്നു.